Qazaqstan temir joly kompanııasy Jambyl oblysyndaǵy qolaısyz aýa raıyna baılanysty poıyzdar kestesinde túrli ózgerister bolyp jatqanyn málim qyldy. Onyń ishinde 23 baǵyttaǵy poıyzdyń qyzmeti ýaqytsha toqtatyldy, dep jazady Egemen.kz.
Qolaısyz aýa raıyna baılanysty poıyzda júrý ýaqytynan 2-27 saǵat aralyǵynda keıinge shegerilip jatyr. Keıbir poıyzdar, tipti, kesteden alynyp tastalǵan.
Ýaqytsha jolǵa shyqpaıtyn poıyz baǵyttaryn myna jerden kóre alasyzdar.
«Qazaqstan temir joly» kompanııasynyń habarlaýynsha, jolaýshylar poıyzdarynyń ótýin qamtamasyz etý úshin Jambyl oblysynyń temirjolshylary óńir úshin qalyptan tys qardan joldy tazartý boıynsha úzdiksiz jumys júrgizip jatyr. Temirjol tósemin tazartý úshin arnaıy qar tazalaý jáne qardan arshý tehnıkalary jumyldyrylǵan. Jol dıstansııasynyń qyzmetkerleri tehnıka óte almaıtyn jerlerdi qardan tazartý jumystaryn jalǵastyrýda.