Keshe Futsal Planet portaly fýtzaldan ulttyq qurama komandalardyń álemdik reıtıngin jarııalady.
Bıylǵy maýsym jerlesterimiz úshin tabysty bolǵany anyq. Olaı deýge negiz – Qazaqstannyń ulttyq quramasy toptyq týrnırden irkilmeı ótip, kelesi jyly О́zbekstanda shymyldyǵy túriletin álem chempıonatynyń joldamasyna ıelik etti. Bir keremeti, atalǵan jarysta bizdiń jigitter Nıderland, Rýmynııa jáne Ázerbaıjandy eki qaıtara utyp, 100 paıyzdyq kórsetkishke ıe boldy. Qazirgi kezde Qazaqstan (1 612 upaı) úzdikter tiziminde jetinshi oryndy ıelengen. Bizden keıingi satylarǵa Iran (1 600), Paragvaı (1 499), Italııa (1 440) jáne Ýkraına (1 433) jaıǵasty.
Álemdik reıtıngti Brazılııa quramasy (1 837) jeke-dara bastap tur. Ekinshi jáne úshinshi oryndardy Ispanııa (1 785) men Portýgalııa (1 745) bólisip tur. Tórtinshi jáne besinshi satyǵa Argentına (1 741) men Reseı (1 700) turaqtady.