Jalpyǵa birdeı deklarasııanyń úshinshi kezeńi

«Atameken» UKP basqar­ma tóraǵasynyń orynbasary Tımýr Jarkenovtyń aıtýynsha, deklarasııanyń resmı ataýy – 250.00 forma. Bir jyldan keıin, ıaǵnı 2025 jyly bul forma ornyna kásipkerlerge kirister men múlik týraly deklarasııany – 270.00-formany tapsyrý kerek bolady.

Deklarasııada Qazaqstan Res­pýblıkasyndaǵy jáne sheteldegi barlyq múlik kórsetilýge tıis. Atap aıtqanda, baǵaly qaǵazdar, sıfrlyq aktıvter, úlestik qatysý sharttary, 10 myń aılyq eseptik kórsetkish (AEK) nemese 34,5 mln teńge shegindegi qolma-qol aqsha, sondaı-aq sheteldegi jyljymaıtyn múlik pen avto­kólik quraldary.

Aıta keteıik, elimizde dekla­ra­sııalaý 2021 jyly bastaldy. Onyń túpkilikti maqsaty – je­ke tulǵalardyń kiristerin baqy­laýdyń tıimdi tetikterin qurý. Sondaı-aq ádil salyq salýdy qamtamasyz etý men áleýmettik saıasatty jetildirý kózdelgen. Sonyń arqasynda sybaılas jemqorlyq pen kóleńkeli ekonomıka deńgeıin tómendetý jos­­pard­a bar. 2021 jyldyń 1 qań­­­tarynan bastap «kirispe» dek­larasııasyn shamamen 580 myń jeke tulǵa tapsyrǵan. Ekinshi kezeńde, bul kórsetkish 2,1 mıllıon adamdy qurady.

Deklarasııany birinshi ret usyn­baǵan jeke tulǵa es­ker­tý alady. Al kelesi jyly tap­syrmaǵandarǵa 15 aı­lyq eseptik kórsetkish kóle­minde aıyppul salynady. Dekla­rasııada tolyq emes nemese birinshi rette anyq emes máli­metterdi usynǵany úshin eskertý jarııalanady. Bir jyl ishinde shartty qaıtalap buzǵandar 3 AEK kóleminde aıyppul ar­qa­laıdy.

О́ndiristik emes tólemder, jeke tulǵalar jáne arnaýly salyq rejimderin ákimshilendirý departamenti basqarmasynyń basshysy Dına Qusaıynovanyń aıtýynsha, deklarasııany je­ke ká­sipkerler, kommersııalyq já­ne kommersııalyq emes uıym­­­dardyń zańdy tulǵala­ry­­­nyń basshylary, sonyń ishinde dırek­torlar keńesiniń tór­aǵala­ry, zańdy tulǵanyń alqaly basqa­rý organynyń birinshi basshylary, jeke basshylar, turǵyn úı/saıajaı kooperatıvteriniń tóraǵalary, zańdy tulǵalar­dyń quryltaıshylary men qaty­sýshylary tapsyrýǵa mindetti. Fılıaldar men ókildikterdiń basshylary, turǵyn úı/saıa­jaı kooperatıvteriniń músheleri jáne dinı birlestikterdiń bas­tamashy-azamattary mundaı deklarasııany tapsyrýǵa mindet­telmeıdi.

«Bul talaptar jumys iste­meıtin jáne ýaqytsha toqta­tyl­ǵan kásiporyndarǵa da qol­da­nylady. Sondyqtan bola­shaqta kásipkerlik qyzmetti jú­ze­ge asyrǵysy kelmeıtin kásip­kerlerge jyl sońyna deıin jumys istemeı turǵan jeke kásipkerlikti jabýdy usynamyz. Al zańdy tulǵalardyń jyl sońyna deıin taratýǵa ýaqyty bolmaıdy, sondyqtan olar mindetti túrde deklarasııa tap­syrýǵa májbúr bolady», degen bolatyn Dına Qusaıynova.

Maman baǵaly qaǵaz­dar, sıfr­lyq aktıvter, úles­tik qatysý sharttary, ınves­tı­­­­sı­ıalyq altyn, zııatkerlik men­­­shik jáne avtorlyq quqyq obek­­tileri, 34,5 mln teńge (10 myń AEK) shegindegi qol­ma-qol aqsha, notarıaldy kýá­lan­dyrylǵan qaryz sharttarynan bólek, quny 3,4 mln teń­geden asatyn múlikterdiń de (má­denı qundylyqtar, zer­gerlik bu­ıymdar, asyl tuqymdy ja­nýar­lar) jalpyǵa birdeı dek­la­rasııalaýǵa jatatynyn aıtty.

«Deklarasııany «e-salyq­azamat», «salyq tóleýshi kabı­neti», «elektrondyq úkimet» mobıldi qosymshalary arqyly tapsyrýǵa bolady. Sondaı-aq búgingi kúni ekinshi deńgeıli bankterdiń qosymshalarynda deklarasııany tapsyrý fýnk­sııalary iske qosyldy. Dekla­rasııany qaǵaz túrinde de, elektrondy túrde de 2024 jyldyń 15 qyrkúıegine deıin tapsyrý qajet. Qujat turǵylyqty jerine baılanysty jiberiledi», deıdi Memlekettik kirister ko­mıteti óndiristik emes tólem­derdi, jeke tulǵalardy jáne arnaıy salyq rejimderin ákim­shilendirý departamentiniń dırektory Nurjan Qýandyqov.

Memlekettik kirister organ­dary deklarasııalardaǵy kór­se­tilgen derekterdiń durystyǵyn 2026 jyly ǵana teksere alady.

Memlekettik kirister ko­mı­­tetiniń habarlaýynsha, sa­lyq kodeksinde táýekeldiń úsh dá­rejesin qarastyratyn kame­ral­dyq baqylaý bar. Olar: tó­men, ortasha jáne joǵary tá­ýe­­kel. Tómen dárejeli táýekel úshin eshteńe bolmaıdy. Táýekel dá­rejesi ortasha buzýshylyqtar bo­ıynsha habarlama beriledi. Tá­ýe­kel dárejesi joǵary bu­zý­shylyqtarǵa habarhat jibe­riledi.

Buǵan deıin ótkizilgen dek­larasııalaýdyń eki kezeńi mem­lekettik qyzmetshiler men te­ńes­tirilgen tulǵalarǵa, kvazı­memlekettik sektor qyzmet­ker­leri men jubaılaryna qatysty bol­dy. Onyń aıasynda barlyǵy 2,6 mln adam qamtyldy.