Densaýlyq saqtaý mınıstri Ajar Ǵınııat ótken jylǵy jazda «sibir jarasy» dertiniń ýshyǵyp ketkenin, saldarynan 32 adam syrqattanǵanyn aıtqan edi. Odan keıin de jaǵdaı edáýir ózgergen edi. Derekke júginsek, ótken jyldyń on aıynda «sibir jarasynyń» rastalǵan 37 derek tirkelipti. Tipti qazan aıynda «sibir jarasyn» juqtyrǵan bir azamat baqılyq bolǵan.
«Bir ereksheligi «sibir jarasy» adamnan adamǵa juqpaıdy. Bul – zonozdyq ınfeksııa, ol tabıǵatta burynnan bar. Jalpy, janýarlar túrli aýrýmen aýyrmaýy úshin olar jyl saıyn vaksınasııalanýy kerek. Barlyq dert jeke sharýashylyqta tirkeldi. Olardyń mal-múlkine vaksınasııa jasalmaǵan», degen mınıstrdiń sózinen kóp dúnıeni ańǵarýǵa bolady. Tórt túlik baǵyp otyrǵan azamattardyń malǵa der kezinde ekpe saldyrýǵa kelgende kejegesi keıin tartýynyń saldarynan adamdar zardap shegip jatyr.
Aıdyń kúnniń amanynda kásipker aýrý mal satady dep kim oılaǵan? О́kinishke qaraı, mundaı derek tirkelip otyr. Iá, Jambyl oblysynda «sibir jarasy» dertine shaldyqqan maldyń eti satylǵan. Saldarynan aýrý maldyń etin tutynǵan azamat syrqattanyp qalǵan. Bul aqparatty oblystyq sot ta rastady.
Shyny kerek, «sibir jarasy» dertiniń oshaǵy jylda anyqtalyp jatady. О́tken jyldyń jaz mezgilinde Talas aýdanyna qarasty Tamdy aýyly eki aptaǵa karantınge jabylyp, jaýapty mekemeler tarapynan tıisti jumystar júrgizilgen bolatyn.
Jýaly aýdanyna qarasty Kóltoǵan aýylynyń azamaty qaýipti dertti juqtyrǵany málim bolǵan. Qaterli kesel aınaldyrǵan birneshe adam aýrýhana tósegine tańylyp, olarmen baılanysta bolǵan ondaǵan jan mamandardyń qatysýymen tekserýden ótken edi.
Naqty derekke kóz júgirtsek, kásipker ótken jyldyń tamyz aıynda «sibir jarasy» dertimen aýyrǵan maldyń etin tutynýshyǵa ótkergen kórinedi. Al aýrý maldyń etin jegen azamat zardabyn tartqan.
Oblystyq sottyń resmı saıtyndaǵy habarlamaǵa kóz júgirtsek, talastyq jeke kásipkerge qatysty ákimshilik is qaralypty. Aýrý maldyń etin satqan er-azamatqa ÁQBtK-niń 425-babynyń 2-bóligi «Halyqtyń santarııalyq-epıdemıologııalyq salamattylyǵy salasyndaǵy zańnama talaptaryn buzý» deregi boıynsha aıyp taǵylǵan. Kásipker sot zalynda óz kinásin tolyqtaı moıyndaǵan.
«Talas aýdandyq sotymen ÁQBtK-niń 425-baby 2-bóligi boıynsha jeke kásipker S-ǵa qatysty ákimshilik is qaraldy. Sotta S. óz kinásin tolyǵymen moıyndady. Sot qaýlysymen kásipker S. ÁQBtK-niń 425-baby 2-bóligi boıynsha kináli dep tanylyp, oǵan 1 mln teńgeden asa somada aıyppul salyndy», delingen resmı habarlamada.
Resmı derek ótken jyldyń on aıynda 37 derek tirkelgenin alǵa tartsa, onyń 19-y Jambyl oblysynda anyqtalypty.
«Sibir jarasy» keseli jambyldyqtardyń talaı jyldan bergi bas aýrýyna aınalǵany belgili. О́kinishke qaraı, tirkelgen derekter sany azaıar emes. Mınıstrdiń ózi qaýipti keseldiń jeke sharýashylyqtarda tirkelgenin, maldyń vaksınasııalanbaǵanyn jaıyp salǵany kúni keshe ǵana. Kerek derekke kóz júgirtý arqyly aýdandardaǵy jergilikti atqarýshy bıliktiń jeke sharýashylyqtarǵa tolyqqandy baqylaý ornata almaı otyrǵanyn ańǵarýǵa bolatyn sekildi. Olaı bolmaǵan jaǵdaıda aýrý mal soıylyp, onyń eti satylmas edi ǵoı.
Jambyl oblysy