Túrkııanyń Prezıdenttik Kommýnıkasııalar Basqarmasy Gaza balalarynyń 266 týyndysy úshin «Oq ótpeıtin armandar: Gaza balalar sýretshileri» kórmesin uıymdastyrdy, dep habarlaıdy Egemen.kz.
Gazadaǵy tragedııaǵa balalardyń kózimen nazar aýdarýdy maqsat etken kórmeni Túrkııa Prezıdenti Rejep Taıyp Erdoǵannyń jubaıy Emıne Erdoǵan men Prezıdenttik Kommýnıkasııalar Dırektory Fahrettın Altýn saltanatty túrde lenta ashyp, týyndylardy tamashalady.
Kórmeniń uıymdastyrylýyna jýrnalıst jáne belsendi Abdýllah Aıtekın sebepshi bolǵan kórinedi. Ol 2008 jyly Izraıl uıymdastyrǵan «Quıylǵan qorǵasyn operasııasynda» otbasynan 26 múshesin joǵaltqan Mona esimdi palestınalyq qyzdyń sýretterinen shabyttanyp aımaqtaǵy mektepterge qaǵaz, qaryndash jáne boıaý materıaldaryn taratýdy qolǵa aldy. Onyń maqsaty balalarǵa Gazadaǵy ómirlerin jáne olar kýá bolǵandaryn jazýǵa múmkindik berý jáne osy kýálikterdi qujattaý bolǵan. 2008 jyldan beri Aıtekınniń qamqorlyǵynda bolǵan bul týyndylar «Oq ótpeıtin armandar: Gaza sýretshileriniń kórmesimen» kelýshilerdiń nazaryna usynylyp otyr.