Oblystyń Tótenshe jaǵdaılar departamenti dereginshe, kúshi 3 balǵa deıin jetken jerasty dúmpýin seısmıkalyq stansalar jelisi saǵat 22:08-de tirkegen, dep habarlaıdy Egemen.kz.
Dúmpý oshaǵy Almaty qalasynan soltústik-shyǵysqa qaraı 230 shaqyrymdaǵy Jetisý óńirindegi Tekeli qalasynan 20 shaqyrym jerdegi taýly aýmaqta ornalasqan.
«Jer silkinisiniń energetıkalyq klasy – 9,7. Magnıtýdasy – MPV 4.6. Tereńdigi – 15 km. Qabyldaý týraly aqparat (MSK-64 shkalasy boıynsha): Tekeli qalasynda 3 ball», dep málimdedi oblystyq TJD baspasóz qyzmeti.
Oblystyq TJD jergilikti atqarýshy organdardy, polısııa departamentin, prokýratýrany jáne basqa uıymdardy qulaǵdar etti. Jaǵdaı naqtylanyp jatyr. Qıraý jáne qurbandar týraly aqparat túspegen.