Ult rýhanııatynyń altyn dińgegi

Basylymnyń alǵashqy sany 1934 jyly 10 qańtarda jaryq kóripti. Máıegi men mańyzy erekshe, ádebı hám mádenı ómirdi jan-jaqty qamtıtyn basylymnyń birinshi basshysy – Ǵabıt Músirepov. Munda talaı zııalylardyń  qoltańbasy bar. Basyna aýmaly-tókpeli almaǵaıyp zamannyń qara bulty úıirilse de, ózine júktelgen mindetti minsiz atqaryp, ultqa kerek kósemsózdi umyttyrmaı, zamana kóshimen jetelep kele jatqan basylym bul. Ult qalamgerleri únjarııasynyń ǵasyrǵa aıaq basqan mereı­toıyna arnalǵan saltanatty is-shara­nyń minberine kóterilgen Má­de­nıet jáne aqparat mınıstri Aıda Balaeva­nyń jınalǵan qaýymǵa Mem­leket basshysynyń  quttyqtaýyn jetkizdi.

Sondaı-aq ol gazet ujymyna Mem­le­ket basshysynyń arnaıy syılyǵy retinde avtokólik kiltin tabys etti.

«Búgin elimizdiń shejireli basy­lymynyń biri – «Qazaq ádebıeti» gazetiniń alǵash jaryq kórgenine 90 jyl tolyp otyr. Kezinde B.Maılın, Ǵ.Músirepov, S.Seıfýllın, I.Jan­súgirov sııaqty ádebıetimizdiń alyptary irgesin qalaǵan tarıhı basylym – sóz óneriniń altyn qazynasy. Oqyr­mannyń kózaıymyna aınalǵan gazettiń ár beti – tunǵan tarıh, áli de jazary taýsylmaǵan. Memleket basshysynyń bastaǵan reforma­lary men halyq úshin mańyzdy aqparat­taryn qalyń oqyrmanyna talmaı jetkizip, ultymyzdyń tarıhı sana-sezimin jańǵyrtyp keledi. Basylym qoǵamymyzdyń rýhanı azyǵyna, jas qalamgerlerdiń shyǵarmashylyǵyn shyńdaıtyn abyroıly alańǵa aınaldy», dedi Aıda Ǵalymqyzy.

Saltanatty is-shara barysynda «Qazaq ádebıeti» gazetiniń mereı­to­ıy­na oraı táýelsiz elimizdiń órkendeýi men damýy jolyndaǵy abyroıly qyzmeti úshin «Eńbek ardageri» medalimen osy ujymda  qyzmet etken zeınetker jýrna­lıster – Israıl Saparbaı, Ámirhan Meńdeke, Qaıyrbek Asanov, Jumabaı Shashtaıuly, Álııa Bó­pejanova, Erkin Jappasuly, Gúl­jamal Temireeva marapattaldy. Son­daı-aq «Aqparat salasynyń úzdigi» tósbel­gisimen gazet tilshisi Mól­dir Raıym­bek marapattalsa, mınıstr­diń Alǵyshaty­men gazette sýret­shi-dızaıner bolyp qyzmet etken zeı­netker Tólegen Ilıa­shev, «Qazaq gazetteri» JShS bas dırek­torynyń keńesshisi Júsipbek Qor­ǵas­bek, «Ramazan Grýpp» kompanııa­sy basshysynyń keńesshisi Dýman Rama­zan, osy gazette 24 jyl korrektor bolyp eńbek etken Ken­je­han Núsipova, respýblıkalyq qoǵam­dyq jáne dinı-tanymdyq «Dúrbi» gaze­tiniń betteýshi-dızaıneri Elýbek Bazar­bekov jáne ádebı gazettiń betteýshi-dızaınerleri Danııar Qabaev pen Marat Tursynov marapattaldy.

ALMATY