Qurlyqtyq hokkeı lıgasyndaǵy kezekti oınyn ótkizgen elordalyq «Barys» Reseıdiń «Lada» (Tolıattı) komandasynan 0:3 esebimen jeńilip qaldy.
Buǵan deıin elordalyq klýb qatarynan úsh márte jeńilistiń ashy dámin tatyp, týrnır kestesindegi jaǵdaıyn qıyndatyp alǵan edi. Saldarynan 49 oıynnan keıin 40 upaımen 19-orynda turǵan-dy. Sol sebepti «Barysqa» árbir oıynda jeńiske jetýdiń mańyzy zor bolatyn. Kezdesý barysynda qos komanda oıyndy belsendi bastady.
10-mınýtta reseılik hokkeıshi Nıkıta Popýgaev soqqan gol «Lada» komandasyn alǵa shyǵardy. Al ekinshi kezeńde olardyń qatarynan Andreı Altybarmakıan 30, Troı Djozefs 38-mınýtta mergendik tanytty. Osylaısha, elordalyq klýb qarsylasyna 0:3 esebimen ese jiberdi.