Majarstannyń Debresen qalasynda bokstan Ishtvan Bochkaı atyndaǵy halyqaralyq týrnır bastaldy.
Jarystyń alǵashqy kúninde tórt boksshymyz sharshy alańǵa shyǵyp, onyń úsheýi kelesi aınalymǵa ótti. Atap aıtar bolsaq, 60 kılodaǵy Beıbarys Jeksen mońǵolııalyq qarsylasyn, 63,5 kılodaǵy Ertýǵan Zeınýllınov pen 71 kılodaǵy Sabyrjan Aqqalyqov Majarstan boksshylarynan basym tústi.
О́kinishke qaraı, 75 kılodaǵy Dıas Moljigitov qarsylasyna jol berdi. Atalǵan halyqaralyq týrnırge negizinen jas bylǵary qolǵap sheberleri attanǵan bolatyn. Olardyń qatarynda Ashat Júsipov (48 kg), Danııal Sábıt (51 kg), Kenje Muratuly (54 kg), Samat Jetibaev (54 kg), Asyljan Serikbaı (57 kg), Jeksen Beıbarys (60 kg), Ertýǵan Zeınýllınov (63,5 kg), Rahat Seıitjan (67 kg), Sabyrjan Aqqalyqov (71 kg), Dıas Moljigitov (75 kg), Erasyl Jaqpekov (80 kg), Temirlan Muqataev (86 kg), Danııar Rahymberdıev (92 kg) pen Damır Toıbaı (92 kg-den joǵary) bar.
Esterińizge sala keteıik, ótken jyly boksshylarymyz atalǵan týrnırden 9 medal oljalap qaıtty: 6 altyn, 3 qola. Osylaısha, jalpy esepte el quramasy birinshi oryndy jeńip alǵan bolatyn.