Astanada jolaqysyn elektrondy tóleý jáne dıspetcherleý júıesin jańǵyrtý sheńberinde aıaldamalardy sıfrlandyrý jumystary bastaldy. Naqty ataǵanda endi aıaldamalarda QR kody bar arnaıy japsyrmalar ornalastyrylady. Olardy skanerleý arqyly baǵdarlardyń naqty kelý ýaqytyn kórýge bolady, dep habarlaıdy Egemen.kz elorda ákimdiginiń saıtyna silteme jasap.
Ol úshin «Avtobys» mobıldi qosymshasyn Google Play, App Store nemese AppGallery-den júktep alý qajet. Qoldanbanyń basty betinde QR belgisin basyp, aıaldamadaǵy QR kodty skanerlegennen keıin qosymshada aıaldamadan ótetin marshrýttar jáne olardyń boljamdy kelý ýaqyty kórsetiledi.
Qazirgi ýaqytta QR kodtary bar japsyrmalar 225 aıaldamaǵa ornatylǵan. QR kody bar syzbalardy ornalastyrý boıynsha jumystar jalǵasady.