Almaty polısııasy jer silkinisi kezinde jalǵan aqparat taratqan kúdiktini anyqtady. Quzyrly organ onyń áreketine quqyqtyq baǵa berilip, tergeý júrgiziletinin málimdedi, dep jazady Egemen.kz.
Polısııa departamenti 29 jastaǵy J. esimdi áıel kúdikke ilingenin habarlady. Ol messendjerler arqyly joıqyn zilzala bolatynyn jazyp eldi dúrliktirgen.
Kelinshek kináli dep tanylsa QR Qylmystyq kodeksiniń 274-babyna sáıkes, iri mólsherde aıyppul tóleıdi nemese úsh jylǵa deıin merzimge bas bostandyǵynan aıyrylýy múmkin.
«Sondyqtan barlyq azamattarǵa aıtatynym, jalǵan aqparat taratpańyzdar, taratýǵa sebepker bolmańyzdar. Sodan soń ár aqparatty jiti zerdelep, tek resmı derekkózderden alynǵan aqparatqa ǵana senýlerińizdi suraımyn», dedi Almaty qalasy Polısııa departamentiniń resmı ókili Saltanat Ázirbek.