Keshe Aýyl sharýashylyǵy mınıstri Aqylbek Kúrishbaevtyń tóraǵalyǵymen osy mınıstrliktiń jáne onyń aımaqtyq organdarynyń sybaılas jemqorlyqpen kúres jónindegi jumystary qaraldy. Oǵan onlaın jelisi arqyly 1 myńǵa tarta adam qatynasty.
Májiliste baıandama jasaǵan mınıstrliktiń jaýapty hatshysy Evgenıı Amannyń aıtýynsha, búgingi tańda sybaılas jemqorlyqpen kúres mınıstrliktiń aldyndaǵy eń mańyzdy mindetterdiń biri bolyp otyr. О́tken jyly osy másele boıynsha mınıstrlik qurylymdaryndaǵy 62 qyzmetkerge shara qoldanylyp, onyń 31-i jumystan bosatylyp, 12 adam qamaýǵa alyndy. Bıylǵy jyldyń 5 aıynda 12 qyzmetkerge shara qoldanylyp, 5 adam jumystan bosatyldy, 7 adam qamaýǵa alyndy. Osy rette sybaılas jemqorlyqtyń kórinisi kóbinese AО́K memlekettik ınspeksııalaý komıtetinde tirkelgenin aıta ketken jón.
Atalmysh nátıjelerge qol jetkizý úshin Aýyl sharýashylyǵy mınıstrligi is-sharalar josparyn ázirlep, ony oryndaý ústinde.
Májiliske qatysqan “Nur Otan” HDP Sybaılas jemqorlyqpen kúres jónindegi respýblıkalyq keńestiń tóraǵasy Oralbaı Ábdikárimov atalǵan máseledegi mınıstrlik jumysyna baǵa bere kele, elimizdegi ortalyq memlekettik organdar arasynda jemqorlyqpen kúres jóninde onlaın rejimindegi mundaı aýqymdy basqosýdy Aýyl sharýashylyǵy mınıstrliginiń birinshi bolyp uıymdastyrǵandyǵyn, demek búgingi qaralyp otyrǵan máseleden mınıstrliktiń kóptegen qyzmetkerleri sabaq ala alatyndyǵyn, sharanyń paıdasy da osy ekendigin atap kórsetti.
Suńǵat ÁLIPBAI.