Sınoptıkter aldaǵy úsh kúnge, 3-5 aqpan aralyǵyna arnalǵan aýa raıy boljamyn usyndy, dep habarlaıdy Egemen.kz.
Boljam boıynsha, demalys kúnderi Qazaqstan boıynsha sınoptıkalyq jaǵdaıdy Skandınavııanyń soltústiginde ornalasqan Atlantıkalyq sıklon anyqtaıdy.
«Eldiń basym bóliginde qarly boranmen, ekpindi jel jáne kóktaıǵaq, ár túrli fazalarda bulttylyq pen oshaqty jaýyn-shashyn bolady. Atlantıkalyq sıklon da respýblıkanyń barlyq derlik aýmaǵynda temperatýranyń birtindep kóterilýine sebep bolady», dep habarlady Qazgıdromet.
Sınoptıkterdiń aıtýynsha, respýblıkanyń ońtústik oblystarynda negizinen jaýyn-shashynsyz aýa raıy saqtalady.