Zańsyz ań aýlaý jáne tabıǵat qorǵaý zańnamasyn buzý faktileriniń jolyn kesý maqsatynda Abaı oblysy aýmaǵynda polısııa qyzmetkerleri 1 aqpanda bastaǵan «Brakoner» jedel-profılaktıkalyq is-sharasy 29 aqpanǵa deıin jalǵasady, sol oraıda brakonerlikpen aınalysqan er adam ustaldy, dep habarlaıdy Egemen.kz.
Polisia.kz baspasóz qyzmetiniń aqparatyna sáıkes, reıd kezinde «Ertis» beketindegi patrýldik polısııa ınspektorlary oblys ortalyǵy kireberisinde 67 jastaǵy Semeı turǵyny basqarǵan Volkswagen kóligin toqtatyp, bagajdan ruqsat qujattary joq 3 qoıan etin tapqan.
Habarlamada: «Polısııa bólimine jetkizilgen ol Besqaraǵaı aýdany aýmaǵyndaǵy ormanda janýarlardy óltirip, soıǵanyn moıyndady. Ańshylyq erejelerin buzý faktisi boıynsha zalal keltire otyryp, ákimshilik is júrgizý bastaldy», delingen.