Osy kúni qalamen qatar aýylǵa da qurylystyń nebir úlgisi jetti. Sharýaǵa jaıly bolsa, jer shalǵaılyǵyna qaramaı, alys eldi mekenderde de shahardaǵydaı záýlim úıler salyp jatqandar kóp. Biraq Jalaǵashtaǵy kıiz úı pishindes baspananyń orny bólek.
El nazaryn aýdarǵan erekshe baspanany Asylbek Alǵashov degen azamat salǵan eken. Búginde Almaty oblysynyń turǵynyna aınalǵan ol kisiniń áke-sheshesi osy úıdiń ornyndaǵy shańyraqta turypty. Jyraqqa qonys aýdarǵan soń, qaraýsyz qalǵan úı eskirse kerek.
О́ziniń aıtýynsha, atasy qoly sheber usta bolǵan eken. Áýletterinde ata jolyn ustaǵandar da bolǵan. Osydan da 2–3 jyl buryn kóne baspana ornyna kıiz úı formasynda jańa baspana kóterýge bel býǵan. Irgetas quıyp, úıdiń qabyrǵasyn temirmen kóterdi. Eki jylǵa sozylǵan qurylystyń aıaqtalýy A.Alǵashovtyń 70 jasqa tolǵan mereıtoıymen tuspa-tus kelip, jańa shańyraqta áke-sheshe arýaǵyna Quran baǵyshtapty.
Úı dıametri – 10 metr. Baspanadaǵy shańyraq pen qazaqy qalyptaǵy jıhaz, qabyrǵadaǵy kilemsheler kózge jyp-jyly kórinedi. Etnostıldegi úıde ashana, jatyn bólmesi de bar. Sandyq ústine jıylǵan júk, dombyra men qamshy da kózge birden túsedi.
Kıiz úı pishindes baspanaǵa jastar jaǵy qatty qyzyǵatyn kórinedi. Erekshe úıdi kórýge ózge óńirlerden arnaıy keletinder de kóp eken.
QYZYLORDA