Shymkent qalasynyń ákimi Ǵabıt Syzdyqbekov ótkizgen ákimdik apparatynyń jınalysynda sheneýnik ustaldy. Qalalyq Sybaılas jemqorlyqqa qarsy is-qımyl agenttigi jıyn barysynda Turǵyn úı basqarmasy basshysynyń mindetin atqarýshyny tergeýge aldy, dep jazady Egemen.kz.
Jınalysta qala ákimi qyzmetkerlerdi adal jumys isteýge, bıýdjetten bólingen qarjyny qoldy etpeýge shaqyrdy.
«Búgin meniń taǵaıyndalǵanyma týra 5 aı boldy. Sizderden osy ýaqyt aralyǵynda jumysty adal isteýdi surap jatyrmyn. Men bilemin aralaryńyzda adal, memleketshil azamattar bar. Kóp kisi sondaı. Sizderge senemin. Sendim de. Sizderdi aýystyratyn eshqandaı oıym bolǵan joq. Biraq ketken kisiler de boldy. Olar sózge kónbegennen keıin ketti. О́zderiniń artynda bylyqtary da bar. О́tken nárseni qaldyryp, qazir jumysty jańadan bastaý kerek. Aramyzda satqyndar da bar. Osy jerden alyp ketińizder», dedi Shymkent qalasynyń ákimi.
Jınalys barysynda Tergeý basqarmasynyń ókili sóz alyp, ótken jyldan beri eskertýdi elemegen sheneýnikti tergeýge alatynyn málimdedi.
Vıdeodan osy tusta Sybaılas jemqorlyqqa qarsy is-qımyl agenttigi jınalys ótip jatqan kabınetke kirip, zalda otyrǵan sheneýnikti suraqqa alyp, ustap alyp ketkenin kórýge bolady.
Keıin ustalǵan tulǵa Shymkent qalasy turǵyn úı basqarmasy basshysynyń mindetin atqarýshy Momynov Azat Muhtaruly ekeni belgili boldy.
Buǵan deıin basqarma basshysynyń mindetin atqarýshyǵa qandaı aıyp taǵylǵanyn habarlaǵan edik.