«Beksar»-ǵa quıylǵan ınvestısııa

Sıfrlandyrý júıesiniń qar­qyn­dy kúsh alýy elimizdiń ekono­mıkalyq áleýetin arttyratyny anyq. Bul rette jergilikti startaptar joǵary deńgeıdegi belsendiligi men naryqta kórsetken saýattylyǵy ar­qyly jaqsy nátıjege qol jet­kizip te úlgerdi. Solardyń biri – «MOST Investment Readiness Accelerator» baǵdarlamasynyń tú­legi «Beksar» startapy. Jergilikti ınvestorlardyń nazaryna ilikken startapqa belgili ınvestor ári kásipker Murat Ábdi­rahmanov 150 myń dollar ınvestısııa saldy. Al «MOST Ventures» qory 105 myń dollar qarjy quıdy. Bul qatarǵa ınvestor Eldar Tólesh te qosylyp, startaptyń kapıtalyna 50 myń dollar qosty.

– Men Maqsat Bektibaevty alǵash ret «Digital Bridge» forýmyndaǵy startap «shaıqasynyń» fınalynda kórdim. Maǵan joba da, onyń negizin qalaýshy da unady. «Beksar» ujymy naryqtaǵy kemshilikterdiń sheshimin qarastyryp jatyr. Fo­rýmnan keıin olardyń saıtyn qarap, ózim usynyspen shyqtym. Bul ınvestısııa Ortalyq Azııanyń negizgi quryltaıshylaryna qoldaý kórsetý strategııasyna da sáıkes keledi, – deıdi Murat Ábdirahmanov.

«Beksar» – shaǵyn jáne orta bız­nestiń úderisterin avtomat­tandyrýǵa arnalǵan joba. Startap klıent­te­riniń qatarynda saýda dúkenderi, ondaǵan fılıaldary bar saýda je­lileri bar. Baǵdarlamada kassa, analıtıka, qoıma esebi sekildi júıeler qamtylǵan. Tehnologııa marketıng quraldaryn paıdalanýǵa múmkindik beredi. «Qazaqstanda 150 myńnan asa shaǵyn jáne orta bıznes sýbektisi bar ekenin eskersek, bul sala­lardaǵy avtomattandyrýdyń mańyzdylyǵy men qajettiligi bu­rynǵydan da ózekti bolyp otyr. «Beksar»-ǵa salǵan ınvestısııamyz saýda nysandarynyń aǵymdaǵy trendteri men naryqtyń ósý áleýeti týraly túsinigimizdi kórsetedi. Star­tap operasııalyq tıimdilikti art­tyrýǵa jáne aqyldy avtomattan­dyrý arqyly shyǵyndardy azaı­týǵa baǵyttalǵan oflaın saýda úshin negizgi sheshimdi usynady. Biz jetilgen ári masshtabtaýǵa ázir star­taptar komandasyna senemiz, – deıdi «MOST Ventures» qorynyń basqarýshy seriktesi Álim Hamıtov.

Jobanyń negizin qalaǵan Maqsat Bektibaev qazirdiń ózinde el boıyn­sha 2700-den asa dúken jobaǵa qo­sylǵanyn aıtty. «Biz saý­da ındýs­trııasynan shyqtyq. Jeke saýda dúkenderimiz bar jáne dúken ıe­lerinde kezdesetin problemalar­dy jaqsy bilemiz. Bizdiń ónim kásip­kerler úshin qıyndyqty sheshe alady jáne buǵan kásibı venchýrlyq kapıtalıster nazar aýdarǵanyna qýa­nyshtymyz. Jobany odan ári keńeıtý jáne jetildirý jospary da bar. «HoReCa» úshin sheshimdi beıim­deý­di oılastyryp jatyrmyz», dedi ol.

Qysqasy, «Beksar» startapynyń saýda nysandary úshin ákelgen paıdasy zor. Sondaı-aq sıfrlandyrý jolynda saýda oryndaryndaǵy jeńildik júıesi, kassa oryndary, arnaıy tólem sekildi úderisterdi bir baǵytta jınap, belgili bir te­tikti basý arqyly nátıjege qol jet­­kizýdi kózdedi. Qazirgi tańda bul jú­zege asyrylǵan dúnıe. «Beksar» júıesi tehnologııalyq avtomattan­dyrý, naryqtaǵy belsendilik, ınves­tısııa tartý syndy faktorlardy toptas­tyra otyryp, kózdegen maq­satqa qol jetkizip keledi. Bul jo­­bany senim­diligi asa joǵary jáne bola­shaǵy jarqyn startaptar qata­ryna jatqyza alamyz.

Nurdáýlet KÁRIBAI,

Qoja Ahmet Iаsaýı atyndaǵy halyqaralyq qazaq-túrik ýnıversıtetiniń 2-kýrs stýdenti