Qarjylyq saýatty arttyrý

«Bıyl óńirde «Qaryzsyz qo­ǵam» jobasynyń kezekti oqy­tý kezeńi bastaldy. Jyl sońy­­na deıin 8 500 azamattyń qar­­jylyq saýatyn arttyrý jos­par­lanǵan. Qazirgi ýaqytta Eń­bek­shiqazaq, Qarasaı, Talǵar, Jam­byl, Ile jáne Uıǵyr aýdanynda oqý kýrstary bastalyp ketti. Bir ǵana Eńbekshiqazaq aýdanynan 1 myńǵa jýyq ótinish kelip tústi. О́tken jyly osy joba aıasynda 8 myńnan astam óńir turǵyny qarajatyn tıimdi basqarýdy jáne shyǵyndardy ońtaılandyrýdy úırendi», deıdi «Amanat» partııasy Almaty oblystyq fılıaly tóraǵasynyń orynbasary Aslan Kóbentaev.

Al Almaty oblysy boıyn­sha «Qaryzsyz qoǵam» jo­basy­nyń jetekshisi, mentor Aıgúl Jaılybaevanyń aıtýynsha, aýyl azamattary qarajatty únem­­di ári tıimdi jumsaýdy bir­­te-bir­te úırenip keledi. Kýrs­qa qa­ty­sý­­shylardyń kiris-shy­ǵysty esep­­teı bilýi, qar­jyny utymdy jos­­parlaýy, durys maqsat qoıýy jaı­ly paı­daly málimetter alýy­na múm­kindik molaıady.

«Turǵyndar qarajatty tıim­di jumsaýdy úırenip jatyr. Osy maqsatta qatysýshylarǵa túr­li dáris ótip, úı tapsyrma­syn beremiz. Sondaı-aq óz kási­bin bastaǵysy keletinderge, tabys tabýdyń túrli jolyn kórsetetin paıdaly málimet­termen bólisemiz. Sarapshy­lar kásipkerlerge saýatty esep júr­gi­zýdi oqytady», deıdi mentor.

Onyń aıtýynsha, úsh saǵat­tyq oqytý bes kúnge sozylady. Kýrstardy qarjylyq-ekono­mıkalyq bilimi bar jáne aýdıtorııamen jumys isteı alatyn sarapshylar júrgizedi. Sondaı-aq joba aıasynda boryshkerlerge tegin zań kómegin kórsetý josparlanǵan.

«Jobaǵa barlyq nıet bil­dirý­shi qatysa alady. Ol úshin «Amanat» partııasynyń fı­­lıal­daryna nemese qalalar men aýdandardyń ákimdikterine jú­­­gi­ný qajet. Bizdiń mindetimiz – múm­kindiginshe nesıesi kóp, qomaqty qaryzy bar adam­dar­dy kóbirek qamtý. Olar nesıelerdi merzimi­nen buryn óteýdi, ınves­tısııa­laýdy, qar­jy pıramıdalaryn jáne ınter­nettegi alaıaqtyqty ajyrata bilýdi úırenedi», deıdi Aıgúl Jaılybaeva.

Aıta ketý kerek, «Qaryzsyz qoǵam» − halyqtyń qarjylyq saýatyn arttyrýǵa baǵyttalǵan «Amanat» partııasy men «Halyk Bank»-tiń birlesken bastamasy. Atalǵan jobada nesıe bereshegi bar jáne bo­rysh­kerler tiziminde turǵan aýyl turǵyndary, qaryzy bar jáne onyń merzimin ótkizip alǵan azamattar, memleketten jeńildikpen nesıe alýǵa úmitker kásipkerler oqı alady.

Buǵan deıin jobanyń alǵashqy oqytý kýrsy 2 mamyrda bastalyp, óńirdegi 9 aýdan men Qonaev qalasynda júzege asyrylǵan.

Almaty oblysy