Memleket basshysy Qasym-Jomart Toqaev Pavlodar oblysynyń ákimi Asaıyn Baıhanovty qabyldady. Prezıdentke Pavlodar oblysynyń byltyrǵy áleýmettik-ekonomıkalyq damýy týraly esep berildi, dep jazady Egemen.kz Aqorda baspasóz qyzmetine silteme jasap.
Memleket basshysyna ótken jyly aýyl sharýashylyǵyn qospaǵanda, barlyq bazalyq makrokórsetkish boıynsha oń dınamıkaǵa qol jetkizilgeni jóninde baıandaldy. Oblys ekonomıkasyna 965 mıllıard teńge ınvestısııa tartylǵan. Bul 2022 jylmen salystyrǵanda 26 paıyzǵa kóp.
Jolaýshylar tasymaly sektorynda 31 paıyz, mashına jasaý isinde 13 paıyz, qurylys salasynda 8 paıyz ósim baıqalady.
Prezıdentke 73 shaqyrymnan astam jylýmen qamtý jelisine rekonstrýksııalaý jumystary júrgizilgeni jóninde málimet berildi. Ekibastuz jylý elektr ortalyǵyndaǵy barlyq 10 qazandyq agregat jóndeldi. Tehnıkalyq sýǵa arnalǵan 11 shaqyrym jańa qubyr tartylyp, 5,4 shaqyrym magıstraldy jylýmen qamtý jelisine rekonstrýksııa jasaldy.
Asaıyn Baıhanovtyń aıtýynsha, oblystaǵy aýyldarda úsh zamanaýı mekteptiń salynýy apatty jaǵdaıdaǵy mektepterge qatysty máseleni sheshýge múmkindik berdi. О́ńirde 54 bilim berý uıymy tolyqtaı jańǵyrtylǵan.
Sonymen qatar Memleket basshysyna eki jyl ishinde «Aýyldyq densaýlyq saqtaýdy jańǵyrtý» ulttyq jobasy aıasynda 30 jańa medısınalyq nysan salynatyny týraly baıandaldy.
Oblysta qoǵamdyq kólik júıesin kezeń-kezeńimen jańǵyrtý jumystary bastalǵan. Byltyr qalalyq avtobýs parki 130 jańa avtobýspen tolyqtyryldy. Sondaı-aq 722 shaqyrym avtojol jóndelgen.
Prezıdenttiń tapsyrmasyn oryndaý úshin aýyl turǵyndaryn sapaly aýyzsýmen qamtamasyz etý jumystary jalǵasyp jatyr. О́tken jyly 37 myńnan astam halqy bar 44 aýylǵa jańa sý qubyry tartyldy. Osylaısha, oblystaǵy aýyl turǵyndarynyń 98 paıyzyna taza aýyzsý jetkizildi.
Kezdesý sońynda Qasym-Jomart Toqaev oblys ákimine Ertis óńirin áleýmettik-ekonomıkalyq turǵydan odan ári damytý jóninde birqatar tapsyrma berdi.