Qazaqstan Respýblıkasy Ortalyq memlekettik arhıviniń uıymdastyrýymen ult-azattyq kúrestiń sımvolyna aınalǵan Kenesary Qasymulynyń isin jalǵastyrýshy jáne onyń tikeleı urpaǵy Japar sultannyń ómiri men is-áreketine qatysty jınaqtalǵan «Japar sultan: qujattar men materıaldar» atty derekterdiń tanystyrylymy ótti.
Mańyzdy jıynǵa tarıh ǵylymdarynyń doktory, akademık H.Ábjanov, Sh.Ýálıhanov atyndaǵy Tarıh jáne etnologııa ınstıtýty dırektorynyń ǵylymı ister jónindegi orynbasary Sh.Tileýbaev jáne sultannyń urpaqtary hám arhıv, kitaphana qyzmetkerleri qatysyp, ǵalymdar týyndy týraly oılarymen bólisti.
Jınaqqa Qazaqstan Respýblıkasy Ortalyq memlekettik arhıvi, Reseı memlekettik áskerı-tarıhı arhıvi, Orynbor oblystyq memlekettik arhıvi, О́zbekstan Respýblıkasynyń Ulttyq arhıvi qorlarynda saqtalǵan hám osy ýaqytqa deıin ǵylymı aınalymǵa engizilmegen tyń qujattar, sonymen qatar shejireshi Máshhúr-Júsip Kópeıulynyń qoljazba qorynda saqtalǵan derekter, «Beket batyr» jyrynda aıtylatyn Japar sultannyń Beket batyrmen birge Berezov túrmesinen qashyp shyqqany týraly da málimetter engizilipti.