Jýyrda Eńbekshiqazaq aýdany Túrgen aýylyndaǵy A.Jeksembekov atyndaǵy orta mektepte «Tulǵaǵa taǵzym –táýelsizdik tartýy» atty respýblıkalyq ǵylymı-praktıkalyq konferensııa ótti. Oǵan Oqý-aǵartý mınıstriniń keńesshisi Jaýynbaı Qaraev, Almaty oblysynyń bilim salasynda sapany qamtamasyz etý departamentiniń basshysy Erjan Jırenbaı, oblystyq bilim basqarmasy basshysynyń orynbasary Gúlsara Isaǵulova jáne Abaı atyndaǵy Qazaq ulttyq pedagogıkalyq ýnıversıtetiniń akademııalyq máseleler jónindegi departament dırektory Haırýlla Janbekov qatysty.
Atalǵan aýyl mektebi men Abaı atyndaǵy Qazaq ulttyq pedagogıkalyq ýnıversıtet arasynda ózara memorandýmǵa qol qoıý rásimimen bastalǵan mazmundy shara barysynda «Pedagogıkalyq ólshemder» zerthanasy ashyldy.
«Mektebimizdiń bıylǵy basty jańalyǵy – Abaı atyndaǵy QazPUÝ-men birlesip «Pedagogıkalyq ólshemder» zerthanasyn ashyp otyrmyz. Bul jobadan úlken úmit kútemiz. Sebebi osy ýnıversıtettiń ǵalymdary muǵalimderimizge pedagogıkalyq qoldaý kórsetip, ǵylymı-praktıkalyq jumystarǵa jetekshilik etetin bolady. Sabaq ótý oflaın jáne onlaın formatta josparlanǵan», dedi mektep dırektory Gúlbaqyt Qasymjanova.
О́z kezeginde Oqý-aǵartý mınıstriniń keńesshisi Jaýynbaı Qaraev bilim berý máselesi qaı kezde de ózekti ekenin, elimizdegi barlyq mekteptiń 75 paıyzǵa jýyǵy aýyldyq jerde ornalasqanyn, túptep kelgende, orta bilimniń deńgeıi aýyl mektepteriniń jalpy jaǵdaıyna, bilim sapasyna tikeleı baılanysty bolatynyn sóz etti.
«Búgingi tańda elimizde «Jaıly mektep» baǵdarlamasy aıasynda 800 mektep salynatyn bolsa, sonyń 400-i bıyl júzege asady. Osy jańa mektepterge muǵalimderdi sapaly daıyndaý maqsatynda biz, 10-11-synyptan bastap, osy mamandyqqa erte jastan baýlıtyn pedagogıkalyq synyptar ashýdy maqsat etip otyrmyz. Bul qadam óńirlik pedagogterdiń ǵylymı-zertteý áleýetin damytýǵa praktıkalyq ortalyqqa aınalýǵa, jaıly zamanaýı mektep qurýǵa jáne oqýshylardyń bilim berý nátıjesin jaqsartýǵa múmkindik beredi», – dedi Abaı atyndaǵy Qazaq ulttyq pedagogıkalyq ýnıversıtetiniń akademııalyq máseleler jónindegi departament dırektory Haırýlla Janbekov.
Mektepte ashylǵan ǵylymı-praktıkalyq zerthananyń fılıaly ustazdar biliktiligin arttyryp, oqýshylarǵa jańa baǵytta bilim berýge jol ashady. Bul muǵalim sapasyn jaqsartýmen qatar, tapshylyǵyn joıýǵa da septigin tıgizedi.
Almaty oblysy