Nazarbaev ýnıversıtetinde «Abaı taǵylymy: «Tolyq adam» jáne Ádilet» atty semınar-trenıng ótti. Taǵylymdy is-sharanyń tizginin osy oqý orny ulttyq mádenı ortalyǵynyń dırektory, professor Gúltas Qurmanbaı ustady.
Nazarbaev ýnıversıteti – elimizdegi tarıhy jóninen eń jas ári halyqaralyq joǵary oqý orny. Álemniń eń úzdik ǵalymdarynan, oqytýshy-professorlarynan bilim alyp jatqan stýdentter ýnıversıtette júrip-aq ǵylymı jańalyqtar ashyp, tyrnaqaldy eńbekterin halyqaralyq ǵylymı basylymdarda jarııalap júr. Álemdik deńgeıdegi bilim alǵan ýnıversıtet túlekteri erteń el isine aralasqanda, olardyń boıynda eń bastysy adamgershilik qasıet bolýy qajet. Osy maqsatta Nazarbaev ýnıversıteti tárbıe júıesin Abaıdyń «Tolyq adam» tujyrymdamasymen júrgizýdi qolǵa aldy.
Jıyn barysynda Gúltas Qurmanbaı uly aqynnyń tujyrymdamasyn keńinen tarqatyp, bul qasıetter jańa zamanda da ulttyq ustanymǵa, ómirlik maqsatqa aınalýy qajettigin tilge tıek etti.
«Nurly aqyl, ystyq qaırat, jyly júrekti ólsheıtin tarazy – ádilet. Tolyq adam bolý úshin osy úsh qasıet jınalyp, ádiletke syn artýy kerek», dedi ol. Sonymen qatar professor bilim alýshylarǵa uly aqynnyń shyǵarmashylyǵyn qalaı jáne qaı óleńderin oqytý kerektigi jóninde óz jobasyn tanystyrdy.
Semınar sońynda «Ulttyq qundylyqtar akademııasy» qoǵamdyq birlestiginiń tóraǵasy Dúısebek Ádilhan elimizdiń orta bilim berý júıesi ulttyq modernge kóshirilý kerektigin, al sonyń negizgi tuǵyry – Abaıdyń «Tolyq adam» tujyrymdamasy ekenin aıtty.
Abaı fılosofııasynyń tereń tamyrlaryn ashyp kórsetken jıyn óz maqsatyna jetti dep oılaımyz.
Bekzat QULShAR,
L.N.Gýmılev atyndaǵy EUÝ stýdenti