Búgin Úkimet otyrysynda Almaty qalasyndaǵy jer silkinisine qatysty jaǵdaı qaraldy. Tótenshe jaǵdaılar mınıstri Shyńǵys Árinov qazirgi ahýal týraly aıtty, dep habarlaıdy Egemen.kz.
Mınıstrdiń aıtýynsha, Almatydaǵy jer silkinisine baılanysty Respýblıkalyq jáne óńirlik jedel shtabtar qurylyp, 384 azamattardy qabyldaý pýnkti uıymdastyryldy. Táýlik boıy «jedel jeli» jumys istep jatyr.«Oqıǵa bolǵan kúni qabyldaý pýnktterinde úsh myńǵa jýyq adam ornalasty. Ákimdiktermen qıraǵan ǵımarattardy anyqtaý boıynsha tekserý jalǵasyp jatyr. Sel qaýpi bar aýmaqtarda aerovızýaldy zertteý júrgizildi. Algorıtmge sáıkes qoǵamdyq tártipti qamtamasyz etý úshin polısııa qyzmetkerleri tartyldy», dedi Sh.Árinov.
Qazir el boıynsha seısmıkalyq jaǵdaı turaqty. Tótenshe jaǵdaılar mınıstrligi profılaktıkalyq jumystardy áli de jalǵastyra beredi. Almaty qalasy boıynsha barlyq nysandar shtattyq rejımde jumys istep jatyr.