Astana qalasyndaǵy qylmystyq ister jónindegi mamandandyrylǵan aýdanaralyq sotta burynǵy ulttyq ekonomıka mınıstri Qýandyq Bıshimbaevtyń isi boıynsha aldyn ala sot otyrysy bastaldy. Kúdikti sot zalyna jetkizildi, dep habarlaıdy Egemen.kz.
Qylmystyq is júrgizý kodeksine sáıkes, asa aýyr qylmystyq ister boıynsha aldyn ala tyńdaý ótkizý mindetteledi.
Aldyn ala tyńdaýdy sýdıa Aıjan Qulbaeva júrgizip jatyr.
Aıta ketsek, qalalyq sottyń baspasóz qyzmeti aldyn ala tyńdaý ashyq bolatynyn jáne oǵan jýrnalıster qatysa alatynyn jarııa etti.
Aldyn ala tyńdaýda prokýrorlar Bıshimbaevqa qandaı baptar boıynsha aıyp taǵylatynyn jarııalaıdy, al sýdıa negizgi sot otyrysynyń kúnin belgileıdi.
Foto: Tengrinews.kz
Aldyn ala tyńdaýǵa eki memlekettik aıyptaýshy, marqumnyń týystary, kúdiktiniń ata-anasy, sondaı-aq olardyń qorǵaýshylary qatysyp jatyr.
Eks-mınıstr Qylmystyq kodekstiń 99-baby 2-bóligi, 5-tarmaq (kisi óltirý, basqa adamǵa qasaqana qasaqana ólim jasaý, erekshe qatygezdikpen), sondaı-aq 110-baby 2-bóligi, 1-tarmaǵy (júıeli túrde uryp-soǵý jolymen nemese ózge de zorlyq-zombylyqpen fızıkalyq jáne psıhıkalyq azap shektirý) boıynsha aıyp taǵylǵan.
Sonymen qatar Qýandyq Bıshimbaevtyń týysy Baıjanov qylmystyq kodekstiń 432-baby (asa aýyr qylmysty jasyrý) jáne 434-baby boıynsha (asa aýyr qylmys jasaǵany týraly anyq habarlamaý) aıyptalyp otyr.