Senat Tóraǵasy Máýlen Áshimbaev Saltanat Núkenovanyń ólimine qatysty rezonansty is aıaqtalǵannan keıin qoǵamda qandaı ózgerister bolatynyn aıtty, dep habarlaıdy Egemen.kz.
Máýlen Áshimbaevtyń aıtýynsha, Bıshimbaevtyń isi boıynsha naqty núkte qoıylǵannan keıin qoǵamda eleýli ózgerister oryn alady.
«Bıshimbaevtiń isi aıaqtalǵannan keıin, sondaı-aq biz qarastyryp jatqan turmystyq zorlyq-zombylyq úshin jaýapkershilikti kúsheıtý týraly zań qabyldanǵannan keıin qoǵamda eleýli ózgerister bolady. Bizdiń qoǵam qazirdiń ózinde ózgergen. Salystyrmaly túrde ótken jylǵa qaraǵanda qazir adamdar otbasyndaǵy zorlyq-zombylyq faktilerin basqasha qabyldaıdy. Sondaı-aq adamdar úndemeı otyrmaıdy, áıelder narazylyǵyn bildirip, bul týraly ashyq aıta alady», dedi Senat tóraǵasy.
Sonymen qatar Senat Tóraǵasy sot sheshimi ádil bolatynyn alǵa tartty.
«Sot sheshimi ádil jáne zańdy bolatynyna esh kúmánim joq. Sot ta, Joǵarǵy Sot basshylyǵy da qoǵam aldyndaǵy jaýapkershiligin túsinedi degen oıdamyn», dedi Máýlen Áshimbaev.