Sınoptıkter 18 naýryz, dúısenbige arnalǵan aýa raıy boljamyn jarııalady, dep jazady Egemen.kz.
«Qazgıdromet» RMK erteń eldiń 8 óńirinde daýyldy eskertý jarııalap, ekpindi jel, qalyń tuman túsetinin boljady.
Qaraǵandy oblysynyń soltústiginde, shyǵysynda, ortalyǵynda, sondaı-aq Qaraǵandy qalasynda da qalyń tuman túsedi.
Túrkistan oblysynyń taýly aýdandarynda 15-20 m/s jyldamdyqpen jel soǵady.
Mańǵystaý oblysynyń soltústik-shyǵysynda shańdy daýyl turady dep boljanǵan. Oblystyń soltústiginde, shyǵysynda soqqan jeldiń ekpini 15-20 m/s jetedi.
Túnde Batys Qazaqstan oblysynyń batysynda, ońtústiginde, kúndiz óńirdiń batysynda, ońtústiginde, shyǵysynda kóktaıǵaq bolady. Oblystyń ońtústiginde, soltústiginde, shyǵysynda tuman túsýi yqtımal. Oral qalasynda da túnde jáne tańerteń tuman bolady dep boljanǵan.
Qyzylorda oblysynyń soltústiginde, ortalyǵynda 15-20 m/s jyldamdyqpen jel soǵady.
Kúndiz Aqtóbe oblysynyń batysynda, ortalyǵynda kóktaıǵaq bolýy yqtımal. Túnde óńir ortalyǵynda, kúndiz oblystyń ońtústiginde soqqan jeldiń ekpini 15-20 m/s deıin jetedi.Atyraý oblysynda jaýyn-shashyn (jańbyr, qar) bolady, oblystyń soltústiginde, ońtústiginde kóktaıǵaq bolady dep boljanǵan. Atyraýda jaýyn-shashyn (jańbyr, qar) bolady, túnde jáne tańerteń tuman túsýi yqtımal.
Sınoptıkter boljamynsha, Qostanaı oblysynyń batysynda, ońtústiginde kúndiz jaýyn-shashyn (jańbyr, qar), kóktaıǵaq bolady. Oblystyń batysynda, ońtústiginde tuman túsedi.
Jetisý oblysynda da ekpindi jel soǵyp, jyldamdyǵy 23-28 m/s deıin jetýi yqtımal.