Jańarý kúni aıasynda búkil el boıynsha 500-den astam is-shara ótkizý josparlanyp otyr, dep habarlaıdy Egemen.kz QR Mádenıet jáne aqparat mınıstrligine silteme jasap.
Sonymen qatar osy kúni Aqmola oblysynda Sh.Qusaıynov atyndaǵy Qazaq mýzykalyq-drama teatrynda «Qańbaq shal» ertegisiniń premerasy ótedi.
Qostanaı oblystyq Y.Altynsarın atyndaǵy memorıaldyq mýzeıinde «Qosh keldińiz, Áz-Naýryz!» atty merekelik is-shara uıymdastyrylady.
Qyzylorda oblysynda túrli pikirtalas alańdarynda sarapshylar «Naýryz – jańa saıası dáýirdiń bastalýy» taqyrybyn talqylaıdy.
Pavlodar oblysy zaǵıp jáne nashar kóretin azamattarǵa arnalǵan arnaıy kitaphanada «Naýryz – asyl qazyna» atty merekelik konsert ótedi.
Petropavlda oblystyq Aqan seri atyndaǵy fılarmonııasy Qazaq halyq aspaptar orkestriniń «Naýryz-kóktem» konserti uıymdastyrylady.
Jalpy alǵanda, jańarý men jańa kezeńniń bastalýyn beıneleıtin Jańarý kúninde búkil el boıynsha 500-den astam is-shara ótedi.
«Eldegi barlyq mádenıet mekemeleri men vedomstvolyq baǵynysty jáne úkimettik emes uıymdardyń aǵash otyrǵyzý qoǵamdyq aksııasyna qatysýy – kúnniń basty oqıǵasy bolmaq», delingen vedomstvo habarlamasynda.