«Qazgıdromet» RMK mamandary 21-23 naýryz kúnderine arnalǵan aýa raıy boljamyn usyndy, dep habarlaıdy Egemen.kz.
Boljam boıynsha, eldiń batysy men soltústigine antısıklon ekpini áser etedi, bul jaýyn-shashyn kútilmeıtinin bildiredi. Túnde synap baǵanasy -10-18°S deıin tómendeıdi, biraq kúndiz kún sáýlesi aýany jylytyp, termometr nólden joǵary bolady.
Al respýblıkanyń ortalyq, ońtústik jáne shyǵys oblystary úlken ylǵaldylyqpen shyǵysqa qaraı jyljıtyn sıklonnyń ústemdiginde bolady, demek atalǵan óńirlerde jańbyr jaýyp, jel soǵady.
Sınoptıkter el boıynsha tuman túsip, kóktaıǵaq bolatynyn eskertti.