Búgin Astana qalasy qylmystyq ister jónindegi mamandandyrylǵan aýdanaralyq sotynda Qýandyq Bıshimbaevtyń isin qaraıtyn alqabıler quramy jasaqtaldy, dep jazady Egemen.kz.
Bul týraly Joǵarǵy Sot habarlady.
«Qýandyq Bıshimbaevtyń isi boıynsha alqabılerdi irikteý ótti. Alqabıler alqasyna 12 adam tańdaldy. 10-y negizgi quram, 2-ýi qosalqy quram. Bıshimbaevqa qatysty sot prosesine qoǵamnyń qyzyǵýshylyǵyn eskere otyryp, osy is boıynsha ashyq sot otyrysynan onlaın translıasııa uıymdastyrýǵa sheshim qabyldandy», dedi QR Joǵarǵy Sotynyń resmı ókili Erlan Ahmedjanov.
Sot otyrysy, búgin, 27 naýryz 16:00-de bastaldy.
Eske salaıyq, sot prosesi onlaın rejımde Joǵarǵy Sottyń áleýmettik jelidegi paraqshasynan kórsetilip jatyr.