QazAvtoJol óńirlerdegi sý tasqyna baılanysty birqatar oblysta respýblıkalyq mańyzy bar joldarda qozǵalys shektelgenin habarlady, dep jazady Egemen.kz
Jol ýchaskelerin qarǵyn sý basýyna oraı qozǵalys shektelgen joldar:
1.2024 jylǵy 28 naýryzda saǵat 20:30 shamasynda erigen sýdyń kóp mólsherinen jáne kólik quraldarynyń qaýipsiz qozǵalysyn qamtamasyz etý maqsatynda «Qaraǵandy-Aıagóz-Boǵaz» respýblıkalyq avto jolynyń 707 shaqyrymynan 941 shaqyrymyna (Aıagóz qalasynan Boǵaz aýylyna) deıingi aralyqta barlyq kólik quralynyń túrleri úshin qozǵalysqa shekteý qoıyldy.
2. 2024 jylǵy 28 naýryzda saǵat 20:50 shamasynda kópirge qaraı joldyń ishinara buzylýyna baılanysty «Samara-Shymkent» avto jolynyń 965 shaqyrymynan 1240 shaqyrymyna deıingi aralyqta barlyq kólik quralynyń túrleri úshin qozǵalysqa shekteý engizildi (Qarabutaq aýylynan Qyzylorda oblysynyń shekarasyna deıin).
3. 2024 jylǵy 28 naýryzda saǵat 21:00 shamasynda Aqtóbe oblysyna kólik qozǵalysynyń jabylýyna baılanysty Qyzylorda oblysynda «Samara-Shymkent» avto jolynyń 1240 shaqyrymynan 1357 shaqyrymǵa deıingi aralyqta kólik quralynyń barlyq túrleri úshin qozǵalysqa shekteý qoıyldy (Aqtóbe oblysynyń shekarasynan Aral qalasyna deıin).
4. 2024 jylǵy 28 naýryzda saǵat 21:00 shamasynda Qaraǵandy oblysynda erigen sýdyń shamadan tys kóp bolýyna jáne kóliktiń qaýipsiz qozǵalysyna qaýip tónýine baılanysty Astana-Qabanbaı batyr-Nura-Temirtaý avto jolynyń 147-shaqyrymnan 166-shaqyrymǵa deıingi aralyqta kólik quralynyń barlyq túrleri úshin qozǵalysqa shekteý qoıyldy (Alǵabas aýylynan Aqmeshitke deıingi ýchaske).