Aýyl sharýashylyǵy mınıstrligi Agroónerkásip keshenindegi jobalardy nesıelendirýdiń qoldanystaǵy erejelerine qajetti túzetýler paketin ázirlep jatyr. Bul týraly Úkimette Premer-mınıstrdiń orynbasary Serik Jumanǵarınniń tóraǵalyǵymen ótken keńeste málim boldy.
Bul sheshim «Aýyl amanaty» baǵdarlamasynyń 2023 jylǵy jumys qorytyndysyn taldaý jáne óńirlerden kelip túsken ótinishter nátıjesi boıynsha qabyldandy. Byltyr aýyl turǵyndaryna baǵdarlama boıynsha bólingen jalpy somasy 100 mlrd teńge qoljetimdi shaǵyn nesıeniń 82,4 mlrd teńgesi ıgerilgen. Onyń 80%-y – mal sharýashylyǵyna, 5,2%-y – tehnıka men jabdyqqa, 4%-y ósimdik sharýashylyǵyna baǵyttaldy.
Qeńeske qatysýshylar «Aýyl amanaty» baǵdarlamasy aýyl sharýashylyǵy kooperatıvteriniń damýyna serpin bergenin atap ótti. Byltyr baǵdarlama aıasynda 407 aýyl sharýashylyǵy kooperatıvi quryldy. Olardyń basym bóligi Túrkistan (75), Aqtóbe (71), Qaraǵandy (53), Qyzylorda (51) oblystaryna tıesili. О́ńirlerdegi sharýalar lızıngke tehnıka satyp alý úshin jumys istep turǵan kooperatıvterge osy baǵdarlama negizinde qoljetimdi qaryz qarajatyn alý múmkindigin kóterdi.
«Sýbsıdııalaý erejesine túzetýler jobasy aýyl sharýashylyǵy kooperatıvteri úshin 5 jylǵa deıingi merzimge jyldyq 2,5%-ben aýyl sharýashylyǵy tehnıkasyn lızıngteý múmkindigin qarastyrady. Qarjylandyrý respýblıkalyq jáne jergilikti bıýdjet esebinen júzege asyrylady. Baǵdarlama boıynsha aýyl sharýashylyǵy tehnıkasyn satyp alý úshin qarjylandyrý normatıvin arttyrýdamyz», – dedi aýyl sharýashylyǵy vıse-mınıstri Azat Sultanov.
О́z tarapynan Serik Jumanǵarın óńirlerge jyl saıyn oblystyń ár aýdanynda 1-2 aýyl sharýashylyǵy kooperatıvin qurýǵa jaǵdaı jasaý mindetin qoıdy.