Jylyoı aýdanynyń ortalyǵy Qulsary qalasynan Atyraýǵa qatynaıtyn joldyń bir bóligi jabyldy, dep habarlaıdy Egemen.kz.
Atyraý oblystyq polısııa departamentiniń baspasóz qyzmeti habarlaǵandaı, Qulsarydan Dossor kentine deıingi jol aralyqta kólik qozǵalysy toqtatylǵan.
«Atyraý oblysynyń aýmaǵyndaǵy respýblıkalyq mańyzy bar Dossor-Qulsary-Beıneý tasjolynyń 103-shaqyrymy tusyn sý basty. Bul – Qulsary qalasynan 20 shaqyrymdaǵy tus. Sol sebepten, Jylyoı aýdanynyń ortalyǵy Qulsary qalasynan Maqat aýdanyndaǵy Dossor kenti aralyǵyndaǵy jolda kólik qozǵalysy tolyqtaı toqtatyldy. Jol qalypqa kelgenge deıin bul baǵytta jolǵa shyqpaý qajet», dep habarlady departamenttiń baspasóz qyzmeti.