Qadir túnin barynsha qulshylyqpen ótkizgen durys. Biraq uıyqtamaı ótkizý shart emes, dep habarlaıdy Egemen.kz.
Aısha anamyz: «(Alla Elshisi) tań atqansha túndi (barlyq bóligin) namazben ótkizgen emes»[1], dep aıtqan.
Paıǵambarymyz (oǵan Allanyń salaýaty men sálemi bolsyn) taǵy bir hadısinde: «Senderge myna aı keldi. Bul aıda myń aıdan artyq tún bar. Kimde-kim osy túnniń jaqsylyǵynan maqurym qalsa, jaqsylyq ataýynan qur qalǵany. Onyń jaqsylyǵynan tek qana naǵyz maqurym adam ǵana qur qalady»[2], degen.
Sondyqtan barsha musylman Qadir túnin qulshylyqpen ótkizip, saýaptan qur qalmaýǵa tyrysýy qajet. Al sharshasa kishkene tynyǵyp, keıin ary qaraı qulshylyǵyn jalǵastyrsa quba-qup.
«Ramazan orazasyna qatysty pátýalar» kitabynan alyndy
[1] Imam Násáı, №2347.
[2] Ibn Májá, №1649.