ASTANA. 19 sáýir. AQSh pen Eýropa odaǵy arasyndaǵy erkin saýda jónindegi kelisimge qol qoıylýyna qarsylyq aksııasy retinde ótip jatqan sherýlerge jahannyń kóptegen elderinde áldeneshe ondaǵan adam qatysty. Bul týraly Sputnik agenttigi habarlady.
Agenttiktiń málimetinshe, Transatlantıkalyq saýda-ınvestısııalyq áriptestik týraly kelisimge kúlli álemniń 700 jerinde qarsylyq sherýleri bolyp ótken. Qarsylyq bildirýshilerdiń eń kóp qarasy Ispanııadan kóringen. Onda Madrıdtiń kóshelerine 20 myń adam shyqsa, Barselonada olardyń qoldaýshy 4 myńǵa jýyq adam tabylǵan. Eýroparlament depýtaty, ıspannyń «Solshyldar birlestigi» partııasynyń múshesi Marına Albıol kelisimge qol qoıylýyn «azamattardyń quqyqtaryn sypyryp ketetin daýylǵa» teńegen. «Bizdiń maqsatymyz – buǵan jol bermeý. Kelisimge qol qoıylmaı turǵanda, bárin jóndep alýǵa bolady», - degendi qosty ol.
«Germanııadaǵy mıtıngiler de kóp adamnyń qatysýymen ótti,» - dep habarlaıdy Reuters. – Berlınde 1,5 myń adam Potsdam alańynan Brandenbýrg qaqpasyna deıin jandy sheńber quryp turdy. Mıýnhenniń kóshelerimen úsh myńǵa taıaý adam júrip ótti. Osyndaı aksııalar Leıpsıg, Shtýtgart, Frankfýrt qalalarynda da oryn aldy.
Transatlantıkalyq saýda-ınvestısııalyq áriptestik týraly kelisimniń maqsaty AQSh pen EO arasynda erkin saýda aımaǵyn qurý bolyp tabylady. Mundaı joba jónindegi ıdeıany Eýropa elderi 2013 jyldan bastap kóterip keledi. Alaıda, Eýroodaqtaǵy kóptegen elderdiń turǵyndary buǵan qarsy.
Murat Aıtqoja.
Derek, sýret: Sputnik.