Almaty taýlarynda qar kóshkini júrdi, dep habarlaıdy Egemen.kz qalalyq Tótenshe jaǵdaılar departamentiniń baspasóz qyzmetine silteme jasap.
Qalalyq Tótenshe jaǵdaılar departamenti habarlaǵandaı, 16 sáýirde Medeý aýdanyndaǵy Alpınıstik lagerdiń mańynda kólemi 4 myń tekshe metrge jetetin qar kóshkini júrdi.
«Qatty jaýyn-shashynnyń túsýine, úlken jáne kishi Almaty ózenderi basseıninde qar jamylǵysynyń turaqsyz bolýyna baılanysty kóshkin qaýpi saqtalady», dep habarlady TJD ókilderi.
Tótenshe jaǵdaılar departamenti óńirde qar kóshkini qaýpi áli de saqtalyp otyrǵanyn eske saldy. Qutqarýshylar qar kóshkinin týdyrmas úshin azamattardan taýly aımaqtarǵa barmaýdy jáne qarly betkeılerge shyqpaýdy eskertti.
Qyrmyzy JUMAǴALIQYZY,
EUÝ stýdenti