Kóshetten – saıaly baqqa

О́ńirdegi aksııa Ta­raz qalasyndaǵy Yqy­las Dúkenuly atyn­daǵy mádenıet úıiniń mańyna tal kóshetterin otyrǵyzýdan bastaldy. Buǵan qosa oblys or­­­talyǵy men Jýaly aýda­ny­nyń aýmaǵynda da aksııa aıa­syn­da birqatar is-shara uıym­das­tyryldy. Oǵan jergilikti azamattar qoldaý kórsetti.

«Jasyl jelekke oranǵan Jambyl jerin gúldendirýdiń, qorshaǵan ortany qorǵaýdyń máni zor. Sol turǵydan alǵanda respýblıkalyq deńgeıde qolǵa alynǵan aksııaǵa judyryqtaı jumyla qatysqan jón. Bul iske belsendilikpen atsalysyp jat­qan árbir azamatqa tek alǵys aıtamyz. О́ńirimiz kórkeıip, gúl­dene bersin», deıdi bokstan Afı­ny Olımpıadasynyń chempıony Baqtııar Artaev.

Aksııa Jambyl jerinde bes apta boıy ótkiziledi dep jos­parlanǵan. Taraz qalasynan bó­lek óńirdiń barlyq aýdanynda qorshaǵan ortany qorǵaýǵa arnalǵan túrli is-sharalar uıym­dastyrylmaq. Bul iske aýyl tur­ǵyndary da belsene atsalysady. «Taza ólkeniń» alǵashqy aptasynda eldi meken turǵyndary men qoǵam belsendileri, túrli mekeme qyzmetkerleri aýlalardy tazar­týǵa belsene kiristi.

Qazirgi kezde Talas aýdanyna qarasty barlyq aýylda aýla­lardy tazartý qolǵa alynǵan. Jergilikti atqarýshy bılik bul or­taq iske qoldan kelgenshe qol-d­a­ý kórsetip otyr. Júzden asa azamat aksııaǵa óz úlesin qosyp jatyr. Sondaı-aq eriktiler de ju­mylǵanyn aıta ketken jón. De­rekke júginsek, alǵashqy kún­niń ózinde 236 jol belgisi, 27 aıal­dama jáne 360 tirek retke kel­tirilipti.

Jambyldyqtar aksııanyń «Kıeli meken» atalǵan ekinshi aptasynda tarıhı-mádenı eskert­kishterdiń aýmaǵyn abattandyrý jumysyn qolǵa alýǵa bekinip otyr. Al «Jasyl aımaq» ap­ta­syn­da kóshet otyrǵyzý, aǵash­tar­dy ákteý jumystary jandanady.

«Aınalanyń taza bolǵany – qandaı jaqsy. Tazalyq adam densaýlyǵyna aıtarlyqtaı jaq­sy áser etetini anyq. Bul aksııany qos qoldap qoldaımyn. Qalaı desek te qorshaǵan ortaǵa janashyrlyqpen qaraǵanymyz abzal. Bul – kisilik paryzymyz», deıdi medısına ǵylymdarynyń doktory Seıthan Joshybaev.

Jambyl oblysy