Iran bıligi Ormuz buǵazyndaǵy keme qatynasyn retteýge baǵyttalǵan jańa zań jobasyn ázirledi. Tegeran bul bastamany eldiń munaı salasyn ulttyq menshikke alý týraly tarıhı sheshimmen teń mańyzy bar uzaq merzimdi joba dep baǵalap otyr, dep habarlaıdy Egemen.kz.
Iran parlamentiniń ulttyq qaýipsizdik jáne syrtqy saıasat jónindegi komıssııasynyń tóraǵasy Ibragım Azızı málimdegendeı, qujat Parsy shyǵanaǵy men Ormuz buǵazy aımaǵyndaǵy qaýipsizdikti qamtamasyz etýge jáne óńirdi damytýǵa baǵyttalǵan keshendi sharalardy qamtıdy.
Onyń aıtýynsha, ázirlengen zań jobasy jan-jaqty pysyqtalǵan jáne strategııalyq mańyzǵa ıe. Azızı bul bastamanyń uzaq merzimdi áseri Irannyń munaı ónerkásibin ulttyq baqylaýǵa alǵan tarıhı reformasymen para-par ekenin atap ótti.
Sondaı-aq ol Iran barlyq sheshimderin ulttyq múddege súıene otyryp qabyldaıtynyn jáne óńirde utymdy saıasat ustanatynyn jetkizdi.
Aıta keteıik, Ormuz buǵazy álemdegi munaı men suıytylǵan tabıǵı gazdy tasymaldaýdaǵy eń mańyzdy teńiz dálizderiniń biri sanalady. Bul baǵyt arqyly Parsy shyǵanaǵy elderiniń energetıkalyq resýrstarynyń edáýir bóligi eksporttalady. Sondyqtan buǵazdaǵy keme qatynasyna qatysty kez kelgen ózgeris álemdik energetıkalyq naryqtar men ınvestorlardyń erekshe nazaryn aýdarady.
Eske salaıyq, buǵan deıin AQSh pen Iran kelisiminen keıin munaı arzandaǵanyn jazǵan bolatynbyz.