Almatyda Ál-Farabı dańǵylyndaǵy adam ólimimen aıaqtalǵan jol-kólik oqıǵasyna qatysty is boıynsha sot otyrysy jalǵasty. Sotta kýáger retinde polısııa qyzmetkeri Áset Jaqsylyqovtan jaýap alý josparlanǵan bolatyn, dep habarlaıdy Egemen.kz.
Alaıda ol óziniń advokatynyń qatysýynsyz jaýap bermeıtinin aıtty. Sýdıa bul onyń zańdy quqyǵy ekenin túsindirip, jaýap alýdy keıinge qaldyrdy.
«Eger biz advokatpen baılanysqa shyqsaq, ony iske qosamyz», dedi sýdıa.
Ál-Farabıdegi jol apaty: Jalǵan kýálik bergenderdiń ústinen qylmystyq is qozǵaldy
Jaqsylyqov advokatynyń baılanys nómirin mekeme qyzmetkerlerine tapsyrdy. Sýdıa onymen múmkindiginshe tez arada baılanys ornatýdy surady.
Aıta keteıik, buǵan deıin jábirlenýshi tarap jol apatyna kinálige keshirim bergeni týraly jazǵan bolatynbyz.