Qyrǵyzstannyń qaýipsizdik kúshteri memlekettik tóńkeris jasamaq boldy degen kúdikpen kásipker Imamıdın Tashovty ustady. Ol qazaq-qyrǵyz shekarasynan zańsyz ótip ketkennen keıin ustaldy, dep habarlaıdy Egemen.kz.
Tashov 22 sáýir kúni tańerteń Shý oblysy Panfılov aýdany Qaıyńdy aýylynda ustaldy.
Qyrǵyzstan Ulttyq qaýipsizdik komıteti onyń Qazaqstan shekarasynan zańsyz ótip, Almatydan Qara-Baltaǵa bet alǵanyn habarlady. Tergeý málimetteri boıynsha, ol bılikti basyp alýmen birge halyqty narazylyq aksııasyna jınaý úshin sol jerde ýaqytsha shtab uıymdastyrýdy josparlaǵan.
«Buǵan deıin Qyrǵyz Respýblıkasynyń azamaty, 1983 jyly 2 tamyzda týǵan Tashov Imamıdın Asamıdınovıch bılikti kúshtep basyp alýǵa jáne bılikti asyra paıdalanýǵa shaqyrǵany úshin memleketaralyq izdeýge jarııalanǵan edi», dep habarlady Qyrǵyz Respýblıkasynyń Memlkettik ulttyq qaýipsizdik komıteti.
Tergeý amaldary jalǵasyp jatyr.