Shyǵys Qazaqstan oblysy Zaısan qalasynyń 67 jastaǵy turǵyny keıingi 3-4 aıda qalypty zeınetaqysynan kem aqsha alyp kelgen. Sebebin bilmek bolyp bankke habarlasqan zeınetker óziniń atyna nesıe rásimdelgenin, sol nesıe boıynsha bereshegi de bar ekenin bilgen, dep jazady Egemen.kz.
Kúdikke aryz berýshiniń kelini ilikti.
Alaıaqtyqqa áýestengen kelin enesiniń atynan 3 ret jalpy sommasy 2,5 mln teńge nesıe rásimdegen.
Jeltoqsan men qańtar aralyǵynda jumyssyz qalǵan kelin enesiniń telefonyna bank qosymshasyn júktep, jymysqy oıyn júzege asyrǵan. Qarajatty jeke qajettilikterine jumsaǵan.
«Alaıaqtyq faktisi boıynsha qylmystyq is qozǵaldy. Kúdiktiniń múlki tárkilenip, tórt jylǵa deıin bas bostandyǵynan aıyrylýy múmkin», delingen ShQO Polısııa departamentiniń habarlamasynda.