Respýblıkalyq volonterler shtabynyń alańynda jastar uıymdarynyń jetekshileri bas qosty. Búginde myńdaǵan volonter elimizdiń barlyq aımaǵynda sý tasqynynan zardap shekken adamdarǵa qol ushyn sozyp júr. Volonterler turǵyndardy evakýasııalaý, gýmanıtarlyq kómek jınaý jáne úlestirý, qutqarýshylarǵa járdemdesý jumysyna jumyldyryldy, dep jazady Egemen.kz.
«AMANAT»-tyń Atqarýshy hatshysy Dáýlet Káribek sý tasqyny bastalǵaly beri partııalyqtar men «Jastar Rýhynyń» belsendileri zardap shekken adamdarǵa kómek kórsetý jumysyna birden qosylǵanyn aıtty.
«Memleket basshysy ár azamattyń shynaıy otanshyldyǵy naqty is júzinde baıqalyp jatqanyn aıtqan edi. Prezıdenttiń úndeýimen, elimizdiń túkpir-túkpirindegi volonterler sý basqan qalalar men aýyldarǵa attandy. О́ıtkeni – ózgeniń qaıǵysy degen uǵym joq. Olar gýmanıtarlyq kómek jetkizip, jaǵalaýlardy nyǵaıtyp, bóget turǵyzyp, qutqarýshylarǵa as-aýqat uıymdastyryp jatyr. Búginde volonterler qozǵalysy qýatty qoǵamdyq kúshke aınaldy», dedi ol.
«AMANAT»-tyń Atqarýshy hatshysy partııanyń el aýmaǵyndaǵy fılıaldary janynan gýmanıtarlyq kómek qabyldaý pýnktteri ashylǵanyn aıtty. Bir aıǵa jeter-jetpes ýaqytta 4000 tonnaǵa jýyq azyq-túlik, kıim-keshek, gıgıenalyq kerek-jaraqtar, qurylys materıaldary jáne ózge de qajetti zattar jınaldy. Al Atyraýda partııanyń bastamasymen uzyndyǵy 22 shaqyrymdy quraıtyn bóget qurylysy aıaqtalyp jatyr. Oǵan 1,3 myń jumysshy, 120 birlik tehnıka jumyldyryldy. Bógetti 6 metrge deıin bıiktetý jumysy bastaldy.
7 sáýirde Memlekettik keńesshi Erlan Qarınniń bastamasymen sý tasqynyna qarsy kúres jumysy aıasynda Respýblıkalyq volonterler shtaby quryldy. Oǵan elimizdegi iri respýblıkalyq jastar uıymdary men qoǵamdyq qorlary qosyldy. Bul jumysty «AMANAT» partııasynyń «Jastar Rýhy» jastar qanaty úılestiredi.
«Búginde osy uıymdardyń 50 myńǵa jýyq múshesi men volonteri zardap shekken turǵyndarǵa kómek qolyn sozyp júr. Qutqarýshylarmen teń dárejede kómek kórsetip, alǵy shepte júrgen jastar sany únemi artyp keledi. Jergilikti organdar men volonterler tyǵyz jumys isteýde. Basty mindet – zardap shekken barlyq adamǵa barynsha jedel kómek kórsetý», dedi «Jastar Rýhy» jastar qanatynyń tóraǵasy Aqerke Iskanderova.
О́z kezeginde, zańger Aqerke Kúnǵazyqyzy zardap shekken adamdardyń joǵalǵan qujattaryn rásimdeýge jáne olardyń ótemaqy alý úshin ótinish berýine kómek kórsetýdi usyndy. Aıta keteıik, dál osy maqsatta partııanyń «Quqyqtyq kómek» jobasyn júzege asyrý jumysy jalǵasýda. «AMANAT»-tyń óńirlik qoǵamdyq qabyldaý bólmeleri Soltústik Qazaqstan jáne Qostanaı oblystaryndaǵy evakýasııalaý pýnktterinde 10 ret kóshpeli qabyldaý ótkizdi. Sonyń aıasynda 1160 adam konsýltatıvtik-quqyqtyq kómek aldy.
Osy oraıda «Qazaqstan Jastar Kongresiniń» atqarýshy dırektory Baqdáýlet Jandildaev TJ kezindegi volonterler men jergilikti atqarýshy organdardyń ózara is-qımyl algorıtmin ázirleý týraly bastama kóterdi.
Qazaqstan stýdentteri Alıansynyń tóraǵasy Ulan Naýken stýdenttik qoǵamdastyq Atyraý qalasynyń mańyndaǵy jaǵalaýdy nyǵaıtý jumysyna belsendi atsalysyp jatqanyn aıtty. Onyń aıtýynsha, tabıǵı apat aıaqtalǵannan keıin volonterlerdi qum salynǵan qaptardan turǵyzylǵan ýaqytsha bógetterdi alyp tastaý jumysyna jumyldyrý qajet.
Sondaı-aq is-sharaǵa «Medısına jastarynyń» tóraǵasy Abylaıhan Ábdirash, «Assambleıa jastarynyń» tóraǵasy Tımýr Jumyrbaev, Ulttyq volonterlik jeli basshysynyń orynbasary Aıbek Dosymbetov, «Dauletten qory» qaıyrymdylyq qorynyń dırektory Jasulan Qýandyq, «Aýyl» HDPP «Aýyl jastary» jastar qanatynyń tóraǵasy Dáýren Rahymbek, QRKF janyndaǵy «KELEShEK» respýblıkalyq jastar keńesiniń tóraǵasy Aıan Sálimgireev, «Biz Birgemiz» qorynyń tóraǵasy Perızat Qaırat qatysty.