«Taza Qazaqstan» respýblıkalyq aksııasy aıasynda óńirdegi «Kıeli meken» aptalyǵyn túıindegen oblystyq senbilikte aımaqtaǵy tarıhı oryndar, eskertkishter aınalasy abattandyryldy. Oblys ortalyǵynda senbilikke 2 570 adam qatysyp, 500 tekshe metr qoqys shyǵaryldy.
Qyzylorda qalasyndaǵy Qorqyt ata kitabynyń 1300 jyldyǵyna arnalǵan eskertkish, Amangeldi Imanov, Janqoja Nurmuhameduly eskertkishteriniń aýmaǵyna tal tigildi. Jalańtós Bahadúr, Mustafa Shoqaı, Buqarbaı batyr, Ǵanı Muratbaev, Saıası qýǵyn-súrgin qurbandaryna arnalǵan memorıaldy eskertkishteri men S.Qojanov, Y.Jaqaev músinderi mańy tazalandy.
Araldyqtar Balyqshylar mýzeıiniń aýlasyn kórkeıtip, Ábdijámil Nurpeıisov mýzeıi aýmaǵyn tazalady. Qazaly aýdanyndaǵy Janqoja batyr kesenesi men Ǵ.Muratbaevtyń memorıaldyq mýzeıiniń aýmaǵynda tazalyq jumysy qarqyndy júrdi. Jankent qalashyǵy men Begim ana munarasy, Kerderi keseneleriniń aýmaqtary da abattandyryldy. Qarmaqshylyqtar túrki jurtyna ortaq qasıetti meken Qorqyt ata eskertkish-kesheni men Maral ıshan, Qalqaı ıshan kesenelerine tazalyq jumystaryn júrgizdi.
Jalaǵash aýdanynda da Buqarbaı batyr, Ekinshi dúnıejúzilik soǵys qurbandaryna arnalǵan eskertkish, Túmen áýlıe kesenesiniń mańaıyn retke keltirdi. Syrdarııa aýdanynyń Asanas, Qyshqala qalashyqtary men Qaljan ahýn meshit-medresesi aýmaǵyndaǵy ıgi bastamaǵa turǵyndar belsene atsalysty. Jańaqorǵandyqtar Qorasan ata kesenesi, Syǵanaq qalashyǵy men tarıhy tereń mádenı eskertkishter aınalasyn tazartty.
«Kıeli meken» aptalyǵy Shıeli aýdany Qarataý jotasynyń Bala Saýysqandyq shatqalyndaǵy Saýysqandyq petroglıfteri aýmaǵynda qorytyndylanyp, oǵan mádenıet, óner salasynyń qyzmetkerleri, qoǵam belsendileri, eriktiler, aýyl turǵyndary qatysty. Myńdaǵan jyldar deregin jetkizgen petroglıfter mańy tazartylyp, kóshet otyrǵyzyldy. Aptalyq kezinde oblystaǵy tarıhı-mádenı nysandarda tazalyqpen qatar tanymdyq sharalar uıymdastyryldy.
Qyzylorda