Búgin Pavlodar mýzykalyq kolledjdiń 65-jyldyǵy men daryndy balalarǵa arnalǵan mýzykalyq mektep-ınternatynyń 20-jyldyǵyna arnalǵan mereıtoılyq gala-konsert ótti, dep habarlaıdy Egemen.kz.
О́tken ǵasyrdyń elýinshi jyldary qurylyp búgingi kúnge deıin elimizdiń mádenı-áleýmettik damýyna eleýli úles qosyp kele jatqan óńirimizdiń biregeı óner-bilim ordasy - Pavlodar mýzykalyq kesheni. Keshen dep aty aıtyp turǵandaı bul oqý ornynyń quramyna daryndy balalarǵa arnalǵan mektep-ınternat, kolledj, bazalyq tájirıbege arnalǵan balalar mýzykalyq mektebi, Qazaqstannyń halyq ártisi Shahımardan Ábilov vokaldyq mektebi kiredi.
Keshegi men búgingi kúndi baılanystyrýshy, ǵasyrlar toǵysynda ózindik mazmundy ǵumyr keship jatqan bul altyn uıa, asyl meken 3000 astam túlekke qanat bitirip, óner degen ǵajaıyp álemge joldama berdi. Tarıhyn keńes zamanynan bastap egemen elimizben birge erkin jasap kele jatqan qara shańyraq taǵy da bir jasqa eseıdi. Osy jasqa jetkenge deıin de eren tabystarymyzben erekshelenetin eńseli ordaǵa aınalyp úlgerdi.
Gala-konsert birneshe bólimnen turdy. Halyq aspaptary jáne klassıkalyq mýzyka oryndalyp, úrlemeli - urmaly aspaptar men djaz shyrqaldy. Sondaı-aq estradalyq-sımfonııa men horlar, ulttyq folklor jáne vokaldyq shyǵarmalary tyńdarmandarǵa joǵary kóńil kúı syılady.
Konserttik baǵdarlamada keshenniń barlyq shyǵarmashylyq iri ujymdary óner kórsetetin bolady. Onyń ishinde 200 - adamdyq hor ujymdary, jańadan qurylǵan estradalyq-sımfonııalyq orkestr, qazaq jáne orys halyq aspaptary orkestri, djaz jáne úrlemeli aspaptar orkestrleri, kameralyq jáne folklorlyq ansamblder, sol sııaqty jeke oryndaýshylar óz ónerlerin ortaǵa saldy.
Arnaıy osy merekege áıgili jerlesimiz Isa Baızaqovtyń «Jeldirme» ániniń taqyrybyna jazylǵan fantazııany jańadan qurylǵan stýdenttik estradalyq-sımfonııalyq orkestri oryndady.
Shyǵarmanyń avtory keshenimizdiń bilikti ustazy, kompozıtor Maksım Hlebov. Jańa ujymnyń jetekshisi ári jas dırıjeri Dıana Mýkatova da alǵashqy ret konsertimizde óner kórsetti. Sonymen qatar, elimizge jáne óńirimizge tanymal belgili mádenıet salasynyń qaıratkerleri Vıktor Denısenko, Talǵat Karımov, Vladımır Shlegel, Vıktor Sheıkın, Madına Nýrgojınova, Iаna Kasıan, Gýlnafıs Makıshbaeva, Damır Sýltanov, Margo Kolaıan, Saýle Mýsıpova, Jasqaırat Orynbaev, Madı Botagýzovtar qatarynda jas maman, mýzykanttar Mádı Týlev, Alıjan Kazbekov, Sara Sadygýlova, Aıbar Ashkeev, Almas Muqataı, Meıirman Baıbýsynov, Jansaıa Kabysheva, Uǵybaıdolla Múftán, Anel Shevchýk sekildi jas ustazdar sahna tórinde óz ónerlerin ortaǵa saldy.
Konserttik baǵadarlamaǵa engen barlyq shyǵarmalar stýdenttik mýzykalyq ujymdardyń oryndaýynda jáne jeke solıster respýblıkalyq, halyqaralyq konkýrstardyń laýreattary: Jasulan Tóregeldi, Dılnaz Jankýshkova, Amına Gabdýllına, Qarshyǵa Arýjan, Shuǵyla Seıtahmet, Mahambet Ramazan, Daıana Qabıdolla, Aleksandra Tarasenko, Adıl Alenov sııaqty jas ónerpazdardyń qatysýmen boldy.
Gala-konsert keshenniń gımni ustazymyz, Qazaqstan Respýblıkasy mádenıet salasynyń úzdigi Madına Nýrgojınovanyń avtorlyq shyǵarmasy «Mekenim» ánimen aıaqtaldy. Ándi estradalyq sımfonııalyq orkestrge óńdegen ustaz, kompozıtor Maksım Hlebov.
Mýzykalyq keshenniń ákimshiligi men pedagogıkalyq ujymy osy gala-konsertti uıymdastyrýda qoldaý kórsetip kómek qolyn sozǵan Pavlodar oblystyq Bilim berý basqarmasyna, Pavlodar qalasynyń mádenıet jáne tilderdi damytý bólimi jáne Estaı atyndaǵy qalalyq mádenıet saraıynyń ákimshiligi men ujymyna, oblystyq Isa Baızaqov atyndaǵy fılarmonııasynyń ákimshiligi men ujymyna, belgili kásipker, foto-sýretshi Aleksandr Parhomenkoǵa zor alǵysyn bildiredi.