Ǵalymdarǵa qamqorlyq

Zerthananyń ashylý saltanatyna Prezıdent keńesshisi Málik Otarbaev arnaıy qatysty. Is-shara barysynda Málik Otarbaev pen M.H.Dýlatı atyndaǵy Ta­raz óńirlik ýnıversıtetiniń bas­qarma tóraǵasy – rektor Muhtar Baıjumanov alqyzyl lentany qıyp, izdenis izine túsken maman­darǵa tabys tiledi.

Ǵylymı zerthananyń ashylý saltanatynda sóz alǵan «Aman­geldi Gaz» óńdeý zaýyty dırek­torynyń orynbasary Bolat Býhbanov, «QazaqGaz – barlaý jáne óndirý» JShS óndirý boıynsha ınjeneri Qulmaǵanbet Ýálıev jáne tehnıka qaýipsizdigi boıynsha ınjener Ǵalym Dándibaı óz pikirin ortaǵa salyp, utymdy ıdeıalarymen bólisti. Olardyń aıtýynsha, mamandardyń biliktiligin arttyrý isinde zerthananyń atqarar jumysy az emes.

Zerthananyń irgesi Ǵylym jáne joǵary bilim mınıstrligi Ǵy­lym komıtetiniń granttyq qarjy­landyrý aıasynda qalanǵan. Joba jetekshisi – PhD Arman Qabdyshev eken. Zerthana ótken jyldyń sońynda talapqa saı to­lyq jabdyqtalypty.

Joǵary oqý orny basshy­lary­nyń aıtýynsha, ǵy­lymı qyzmet­kerler, magıstranttar men stýdentter zerthanada ǵyly­mı-zertteý ju­mystaryn tu­raqty túrde júr­gizedi. Zertha­na­nyń maqsaty – munaı-gaz, ken oryn­daryndaǵy uńǵy­lardyń se­ment­telý sapasyn arttyrýǵa baǵyt­talǵan. Mamandar qazirgi kezde óz jumysyn júıelep, naqty ǵyly­mı baǵyttar boıynsha iske kirisýge bel býyp otyr.

Is-shara barysynda sóz alǵan Prezıdent keńesshisi M.Otar­baev ǵylymǵa bet burǵan jastar úshin bul zerthananyń mańyzy zor ekenin aıtty.

– Qazirgi kezde ǵylymdy órken­detýge aıryqsha nazar aýdarylyp otyr. Prezıdent ǵylymdy damytý maqsatynda birshama naqty tapsyrma berdi. Búgin sol baǵytta jumys atqarylyp jatyr. Ta­raz tórinde ashylǵan zerthana ǵalymdardyń jumysyna serpin berip, munaı-gaz salasyndaǵy qu­ry­lysta sapany jaqsartýǵa sep­tigin tıgizedi dep senemin, – dedi M.Otarbaev.

Ýnıversıtet rektory Muh­tar Baıjumanov Memleket bas­shy­synyń tapsyrmasy boıynsha Ǵylym jáne joǵary bilim mı­nıstrligi tarapynan jas ǵalym­dardy qoldaý jyl saıyn kúsheı­tilip kele jatqanyn tilge tıek etti.

– Jas ǵalymdardyń zertteý­le­rin granttyq qarjy­landy­rýǵa ar­nal­ǵan konkýrs­tar­dyń nátıje­sinde suranysqa ıe jobalar elimizdiń ár óńirinde iske asy­rylyp jatyr. Otan­dyq ǵalym­­dardyń ǵylymı jarııa­lanym­­darynyń sany men sapasy artty.

Naqty derekke júginsek, 2024-2026 jyldarǵa arnalǵan bıýdjette jas ǵalymdardyń zertteýlerin granttyq qarjylandyrýǵa 18 mıl­­­lıard teńge qarastyrylǵan eken. «Tamponajdyq materıaldar men burǵylaý eritindileriniń qasıetterin zertteý» zerthanasy Ǵylym jáne joǵary bilim mı­nıs­trligi Ǵylym komıtetiniń grant­tyq qarjylandyrý aıasynda ashy­lyp otyr.

Zerthana 2023 jyly jeltoqsan aıynda tolyq jabdyqtalyp bitken bolatyn. Qazirgi tańda zerthanada PhD Arman Qabdyshevtiń jetekshiligimen doktoranttar men magıstranttar, bakalavrlar bilim alyp, zertteý jumysyn júrgizip jatyr. Kafedranyń ǵalymdary ǵylymı jumystaryn júıelep, maqalalaryn jarııalap júr. Tek 2023 jyldyń ózinde zerthana qyz­metkerleriniń arqasynda 6 maqala Scopus bazasyna shyqqan, ónertabysqa halyqaralyq patent alynǵan, – dedi M. Baıjumanov.

Jambyl oblysy