Atyraýlyq 20 jastaǵy jigit jedel járdem feldsherin urǵan. Qazir kúdiktige qatysty qylmystyq is tergelip jatyr.
Atyraý oblystyq polısııa departamentiniń baspasóz qyzmetinen málim etkendeı, oqıǵa keshe, 1 mamyrda bolǵan.
«Atyraý qalasynda túngi saǵat 3:40 shamasynda jedel járdem qyzmetiniń feldsherin uryp-soqqan kúdikti anyqtalyp, ustaldy. Kúdiktiniń jasy – 20-da. Narkologııalyq tekserýdiń qorytyndysymen kúdiktiniń jeńil dárejede mas ekeni anyqtaldy. Ustalǵan kúdiktige qatysty qylmystyq is qozǵaldy», dep habarlady departamenttiń baspasóz qyzmeti.
Polısııa qyzmetkerleri kúdiktini qamaýǵa aldy. Tıisti saraptamalar júrgizilip jatyr.