“Nur Otan” HDP Tóraǵasynyń birinshi orynbasary Nurlan Nyǵmatýlınniń tóraǵalyǵymen “Nur Otan” partııasynyń 2020 jylǵa arnalǵan baǵdarlamasyn ázirleý jónindegi jumys tobynyń kezekti talqylaýy ótti.
Elbasy, “Nur Otan” HDP Tóraǵasy N.A.Nazarbaevtyń partııanyń kezekten tys XII sezinde bergen tapsyrmasyna sáıkes partııanyń 2020 jylǵa arnalǵan baǵdarlamasyn daıyndaý boıynsha jumystar jalǵasýda. Jobany ázirleýge quramynda tanymal, bedeldi ǵalymdar men áleýmettik jáne gýmanıtarlyq sala mamandary bar arnaıy sarapshy top qatysýda. Sarapshylar baǵdarlama jobasynyń negizgi bólikteriniń mazmuny men qurylymy boıynsha usynystar daıyndady.
Al jumys toby quramyna Parlament depýtattary, memlekettik organdar, ortalyq apparat, Parlamentarızm ınstıtýty ókilderi jáne tanymal ǵalymdar kirdi. Partııa Tóraǵasynyń birinshi orynbasary Nurlan Nyǵmatýlınniń atap ótkenindeı, partııa Kóshbasshysynyń tapsyrmasy boıynsha baǵdarlama jobasyna osy ýaqytqa deıingi saıası, ıdeologııalyq jáne uıymdastyrý-partııalyq jumys tájirıbelerinen iriktelip alynyp, sonyń negizinde partııanyń 2020 jylǵa deıingi qyzmetiniń negizgi kezeńderi men basym baǵyttary anyqtalmaq. Atalǵan jobanyń maqsatty basymdyqtary Qazaqstannyń 2020 jylǵa deıingi Strategııalyq damý josparymen sáıkes keledi.
Jıyn barysynda qatysýshylar jan-jaqty pikir almasyp, baǵdarlama jobasyna tolyqtyrýlar men ózgerister ázirledi.
“Egemen-aqparat”.