Vıse-premer Qanat Bozymbaev Atyraý oblysy Inder aýdanynyń Inderbor, Jasýat, Qurylys aýyldarynda, sondaı-aq Mahambet aýdanyna qarasty Mahambet, Saraıshyq, Taldykól aýyldarynda jaǵalaýdy nyǵaıtý jumystaryn tekserdi, dep habarlaıdy Egemen.kz Úkimettiń baspasóz qyzmetine silteme jasap.
О́ńirde sý tasqyny qaýpi saqtalyp tur. Jaıyq-Inderbor jáne Jaıyq-Mahambet gıdrobeketinde sý deńgeıi qaýipti mejeden asty. Jaıyq ózeninde sýdyń odan ári kóterilýi kútilip otyr. Barlyq qaýipti ýchaskelerde táýlik boıy kezekshilik uıymdastyrylǵan. Apatpen kúreske jergilikti turǵyndar, eriktiler jáne ártúrli kásiporyndar qyzmetkerleri belsendi túrde atsalysyp jatyr.
Inder aýdanynda jer bógetteriniń jalpy uzyndyǵy 30 shaqyrymdy quraıdy, olar Jasýat, Inderbor, Qurylys, Kóktoǵaı, О́rlik, Esbol, Eltaı eldi mekenderinde salynǵan. Atalǵan jumystarǵa 40-tan astam arnaıy tehnıka, 300-ge jýyq áskerı qyzmetshi jáne 100-ge jýyq TJ qyzmetkeri, onyń ishinde Qyzylorda oblysy TJD qyzmetkerleri jumyldyryldy.
Mahambet aýdanynda Jaıyq ózeni boıynda 17 eldi meken ornalasqan. Olardy qorǵaý úshin 80 km jaǵalaýdy nyǵaıtatyn bógetter salyndy. Aýdanda bógetterdiń jalpy uzyndyǵy 105,8 km quraıdy. Tasqynǵa qarsy sharalarǵa 130 arnaıy tehnıka, 650 áskerı qyzmetshi, 200-den astam TJ qyzmetkeri, 300-ge jýyq eriktiler, jergilikti turǵyndar tartyldy.
Vıse-premer Qanat Bozymbaev Mahambet aýdany ákimine ejelgi Saraıshyq qalashyǵy mańyndaǵy bógetti taǵy da qosymsha kóterýdi tapsyrdy.
«Ol úshin munda Qorǵanys mınıstrliginiń jeke quramynyń júzdegen qyzmetkeri men ondaǵan tehnıka tartylady. Bizdiń tarıhı muramyzdy qorǵaýǵa jáne saqtaýǵa jaýapkershilikpen qaraý qajet», dep tapsyrdy Qanat Bozymbaev.