Atyraý oblysynda Jaıyqtaǵy sý deńgeıi 5 kún qatarynan kóterilip jatyr. Aımaqta qorǵanys bógetteri turǵyzyla bastady, dep jazady Egemen.kz.
Tótenshe jaǵdaılar mınıstrliginiń qutqarýshylary táýlik boıy Qorǵanys qurylystarynyń jaı-kúıine monıtorıng júrgizip jatyr.
TJ mınıstri Shyńǵys Árinov Jaıyq ózeniniń aǵysymen Kaspııge qaraı tómen túsip, qorǵanys bógenderin kózben sholyp tekserdi.
Keıingi 5 kún ishinde aımaqqa sý kelý qarqyny joǵarylaǵan.
«Qazgıdromet» RMK gıdrologııalyq monıtorıng derekteri boıynsha 12 mamyr saǵat 09:00-degi jaǵdaı boıynsha Jaıyq ózenindegi sý deńgeıi:
Atyraý - 538 sm. Táýligine + 5 sm.
Inderbor aýdany - 1033 sm. Táýligine +7 sm.
Mahambet aýdany - 955 sm. Táýligine +16 sm.
«Jaıyq-Inderbor jáne Jaıyq-Mahambet sý beketterinde deńgeı shektik belgiden asyp tústi. Sý odan ári kóteriledi dep boljanyp otyr», delingen TJM habarlamasynda.