2024 jyldyń 18 mamyrynda Qazaqstannyń Ulttyq qaýipsizdik komıteti (UQK) Qyrǵyzstanmen shekaradaǵy jaǵdaıǵa qatysty mańyzdy málimdeme jasady, dep habarlaıdy Egemen.kz.
«Qazaqstan Respýblıkasy Ulttyq qaýipsizdik komıtetiniń baspasóz qyzmeti Bishkek qalasyndaǵy túngi tártipsizdikterden keıin pákistandyq stýdentter tobynyń Qyrǵyzstannan Qazaqstanǵa ótýge jınalyp jatqany týraly keıbir BAQ-ta jarııalanǵan aqparattyń shyndyqqa sáıkes kelmeıtinin habarlaıdy», dep jazylǵan málimdemede.
Sonymen qatar Qazaqstan-Qyrǵyzstan memlekettik shekarasyndaǵy baqylaý-ótkizý pýnktteri shtattyq rejımde jumys istep turǵanyn atap ótti.
«Qazaqstan men Qyrǵyzstannyń shekarashylary Bishkek qalasyndaǵy qalyptasyp otyrǵan jaǵdaı týraly úzdiksiz aqparat almasyp otyr», dep habarlady vedomstvodan.