Týrısterge qushaq jaıǵan Astana

Astananyń tabıǵaty jaǵajaı týrızmine jaıly dep aıta almaımyz. Shilde, tamyzda kún ádet­tegiden qatty jylynbasa, basqa mezgilderde aýa raıy qońyr­sal­qyn, al qysy qatal. Áıtkenmen, qonaqtar sol eki aıdy tıimdi paı­dalanyp, qala men jaqyn aýyl-d­arǵa aǵylady. Astanaǵa kelip, Kóksheniń, Býrabaıdyń tabıǵatyn tamashalaýǵa qalatyndar bar. Resmı málimetterge úńilsek, byltyr Astanaǵa týrıster aldyńǵy jyldyń sáıkes kezeńimen salys­tyrǵanda 12,3%-ǵa (1 324 047) kóp kelgen. Munda ishki týrıs­terdiń úlesi – 1 036 921 adam bolsa, sheteldik týrısterdiń sany – 287 126. Bizdiń bilýimizshe, bul – Astanaǵa saparlap, qonaqúı jal­daǵan týrısterdiń úlesi. Beı­resmı birneshe kúnge kelip-ketken qonaqtardyń aǵynyn dálme-dál aıtý qıyn bolǵanymen, resmı statıstıka da shyndyqqa ja­qynyraq bolsa kerek.

Qaladaǵy 257 qonaqúıdegi 9 439 bólme 17,5 myń tósek-oryn­ǵa shaqtalǵan. Osy qatarda 5 jul­dyzdy –  8 qonaqúı, 4 juldyzdy – 11 qonaqúı, 3 juldyzdy – 5 qonaqúı, kategorııasyz 205 qonaqúı bar. Ulttyq statıstıka bıýrosynyń deregine sáıkes, byltyr 3-toq­sanda Astana qonaqúıleriniń ortasha tolymdylyǵy 30,1%-dy quraǵan. Qalada týrıstik ın­fra­qurylymdy damytý sheń­berinde «Red Bus» ekskýrsııalyq avtobýstary qaty­naıdy. Mundaı avtobýstar aýdıogıdtermen jab­dyqtalǵan. Eks­kýrsııa týrıs­terge 8 tilde qol­jetimdi. Qalanyń kórikti jer­lerine saparlaýdy oılaǵan tý­rısterge «Astana City Pass» týrıstik kartasyn satyp alýǵa bolady. Bul aldymen qonaqtardyń ýaqytyn únemdeýge kómektesedi. Týrıst kartasy qala­daǵy 11 máde­nıet nysanyna 70%-ǵa deıin jeńildikpen barýǵa múmkindik beredi. Karta quny 24 saǵatqa 9 990 teńge, 72 saǵatqa 13 990 teńge shamasynda shyǵady.

Astana qalasy boıynsha aýdıo­týrlar izi.TRAVEL halyqaralyq platformasynda qoljetimdi. On­da elordadaǵy 164 kórnekti nysan boıynsha ekskýrsııa júktelgen. Tý­rısterge arnalǵan qyzmetti jaq­sartý maqsatynda visitastana.kz aqparattyq júıesi qurylǵan. Aviata.kz-pen ıntegrasııalanǵan servıste áýe bıletterin satyp alýǵa bolady. Qonaqúıdi Booking ha­lyqaralyq servısi arqyly al­­dyn ala jaldaýǵa múmkindik bar. Qalada ótetin aýqymdy is-shara­larǵa da osy júıeden bılet alýǵa múmkindik bar. Visit Astana bren­din qonaqtarǵa meılinshe tynytýdy oılaǵan qala ákimdigi «visitastana.kz» brendtik kıim ón­dirisine járdemdesýge nıetti ekenin baıqatyp otyr eken.

Qalaǵa kelgen týrıster jıi baratyn nysandardyń qatarynda «Báıterek» monýmenti, Ulttyq murajaı, «Astana opera» mem­lekettik opera jáne balet teatry, Ortalyq meshit, «Han Shatyr», EKSPO, Kongress ortalyǵy, Beıbitshilik jáne kelisim saraıy, «Ailand» otbasylyq demalys ortalyǵy, «Astana balet» teatry bar. Astanada jyl saıyn orta esep­pen alǵanda 2 myńǵa jýyq is-shara ótedi. Qala jyldan-jylǵa Ortalyq Azııanyń iskerlik haby retinde damyp keledi. Týrıster jıi keletin elderdiń qatarynda Reseı, QHR, Túrkııa, Germanııa, О́zbekstan, AQSh tur. Byltyr temirjol aǵyny shamamen 5,5 mln adamdy qurap, jo­laýshylardyń 4%-ǵa kóbeıgeni baıqalǵan. Bul – qalypty jaǵdaı, negizgi ósim áýe kóligimen tasymalda tirkelgen. О́ıt­keni búginde 30 baǵyt boıynsha álemniń 13 eline 23 avıakompanııa tikeleı qatynaıdy. 79 elmen vızasyz rejim bekitilgen. Osynyń esesine halyqaralyq reıs­ter jandandy.

Astana qalasy Investısııalar jáne kásipkerlikti damytý bas­qarmasy basshysynyń orynbasary Maqsat Jańabaev iskerlik, oqıǵalyq týrızmniń damyp kele jatqanyn málimdedi.

– Qonaqtardyń qaýipsizdigin qamtamasyz etý úshin elordanyń týrıstik polısııasy servıstik qyzmeti quryldy. Týrıstik salany damytý týraly tujyrymdamaǵa sáıkes, Astana eldiń saıası, ákim­shilik, iskerlik jáne mádenı ortalyǵy sanalady. Osyǵan baı­la­nysty elordada iskerlik týrızm basym baǵyt bolyp belgi­lendi. Biz iskerlik týrızm ındýs­trııasyn damytý maqsatynda sa­la­lyq qaýymdastyqtar men kor­po­­ratıvtik sektor ókilderimen árip­testik baǵdarlamany iske asy­ramyz. Oǵan 90-nan asa kompanııa qatysady dep otyrmyz. Elor­da brendin ilgeriletýge yqpal ete­tin is-sharalardy uıymdasty­rýshy­lardy qoldaıtyn baǵdarlama iske asyp keledi, – dedi M.Jańabaev.

Astanada týrıstik qyzmettiń sapasyn ilgeriletý maqsatynda úılesken jumystar bıyl da jalǵasady. Mysaly, Astanany damytý ortalyǵy «Visit Astana» seriktestik baǵ­darlamasyn iske asy­rady. Qazirdiń ózinde baǵdar­lama­nyń 60-tan asa seriktesi bar bolsa, olar­dyń qataryna sapaly qyzmet kór­setetin qonaqúıler, meıramhanalar, týroperatorlar kiredi.

Elorda týrızmin damytýdyń taǵy bir basym baǵyty medı­sı­nalyq týrızm ekenin aıttyq. Bú­gin­de qalada JCI halyqaralyq sapa standartymen akkredıttelgen 7 klınıka jumys isteıdi. Astanada kardıohırýrgııa, neırohırýrgııa, stomatologııa, plastıkalyq hırýrgııa jáne onkologııalyq aýrý­lardy emdeýge múmkindik mol. Negizgi artyqshylyǵy – shet­­­eldik klınıkalarmen sa­lys­­tyrǵanda medısınalyq qyz­­­met­terdiń quny tómen ári sapaly. Klınıkalar zamanaýı jabdyqtarmen jáne joǵary bilikti mamandarmen qamtylǵan. Osy kól-kósir jumystyń esesine qazir medısınalyq týrızmdi damytý jaǵy jolǵa qoıylyp, «Qazaqstandyq medısınalyq týrızm qaýymdastyǵy» quryldy. Qazir qaýymdastyq quramynda 46 klınıka men medısınalyq uıym bar eken. Bul qatar jyldan-jylǵa tolyǵady degenge úmit basym.

Bıyl Astana tórinde V Dú­nıe­­júzilik kóshpeliler oıy­ny ótedi. Bul endi oqıǵalyq ári sport­tyq týrızmge jaqyn. Alamanǵa álemniń júzdegen elinen 4 myńǵa jýyq oıynshy qatysady degen boljam bar. Osyǵan deıin elde Dúnıejúzilik kóshpeliler oıy­nynyń uıym­dastyrý komıteti qurylyp, komıtet quramyna mem­lekettik ýákiletti organdardyń basshylary, oblys, respýblıkalyq ma­ńyzy bar qalalardyń ákimderi, ulttyq kompanııalardyń, kásip­oryndardyń, qoǵamdyq uıym­dardyń basshylary kirdi. Má­denıet jáne sport mınıstrliginiń qoldaýymen Dúnıejúzilik kósh­­peliler oıynyn daıyndaý jáne ótkizý dıreksııasy qu­ryldy. Uıymdastyrý komıteti Dú­nıe­­júzilik kóshpeliler oıyny dı­reksııasynyń usynysy boıynsha Dúnıejúzilik kóshpeliler oıyny týraly ereje bekitti. Túrki halyqtarynyń basyn qosatyn dodaǵa sportshylardan bólek týrıs­terdiń de keletini belgili. Mundaı aýqymdy oıyndardy eli­miz jylda ótkize bermeıtinin eskersek, bir mezgilde birneshe myń týrısti qabyldaýǵa asqan daıyndyq, jaýapkershilik qajet. Er­teń osy kóshpeliler oıynyn jeleý etip kelgen qonaqtar araǵa taǵy az-maz ýaqyt salyp, elimizdiń kórikti jerlerin tamashalaý úshin qaıta saıahattaýy múmkin ǵoı. Sondyqtan kóshpeliler oıynyna kezekti is-shara dep emes, týrızmdi ilgeriletýdiń taǵy bir múmkindigi retinde qaraýymyz qajet.